“Paketa Antishpifje” sjellë “Venecian” në Tiranë

“Paketa Antishpifje” ishte shumë moderne dhe shumë e konsultuar, sipas Edi Ramës, por pikërisht për paketë ligjore një delegacion i Komisionit të Venecias sot viziton Tiranën, për të dhënë një opinion pas refuzimit të Presidentit për ta dekretuar dhe me kërkesë të Këshillit Evropës dhe OSBE.

Përfaqësuesit e Komisionit të Venecias vizitën tre ditore në Tiranë e filluan me takimin me Nënkryetaren e Parlamentit, Vasilika Hysi, për të vazhduar me grupet parlamentare të mazhoranës dhe opozitës. Ditët në vijim, përfaqësuesit e Komisionit të Venecias do të takohen edhe me përfaqësues nga Këshilli i Ministrave, Presidentin Ilir Meta, kryetaren në detyrë të Gjykatës Kushtetuese, Vitore Tusha, si dhe krerët e institucioneve të pavarura, si AKEP e Avokatja e Popullit.

Ndryshe, opinioni nga Komisionoi i Venecias për “Paketën Antishpifje” pritet të bëhet publik në muajin mars, kohë kur Kryetari i Grupit Parlamentar të Partisë Socialiste, Taulant Balla, ka premtuar se do të miratohet.