Paloka: Grabitja e Teatrit u bllokua përkohësisht, por vazhdon me të gjitha PPP e tjera…

Nënkryetari demokrat i Kuvendit, Edi Paloka, ka reaguar përmes një postimi në rrjet lidhur me gjendjen që po kalon vendi, ndërsa ngre pyetjen nëse do të pranojmë të trajtohemi më si skllevër.

Paloka rendit gjithçka që ka ndodhur dhe po ndodh, ndërsa vë theksin në mosveprimin e prokurorisë dhe shkrirjen e Gjykatës Kushtetuese.

Postimi i Edi Paloka

“Grabitja tek TK përkohësisht është bllokuar.

Ndërkohë vazhdon grabitja me gjithe PPP-të e tjera.

Për ekspertizën e zërit të Agron Geron Xhafajt që Rama “ e bëri” brenda një dite, nuk ka asnjë shenjë. PPP Marku “Nuk di gjë”, askush nuk e ka thirrur Ramën të përgjigjet për këtë çështje!

Vëllai i Agron Geronit vazhdon të jetë ministër i Brendshëm. Askush nuk jep shpjegime ende se përse ligji antimafia nuk ka vepruar ndaj Fatmir Xhafajt.

Ndërkohë krimi bën kërdinë ccdo dite; vrasje, tritol, grabitje, dhunë…

Droga vazhdon të kultivohet e të trafikohet me tonelata por Fatmir Xhafaj sipas traditës së “Rilindjes” është “ministri më i suksesshëm”, madje ja ka kaluar dhe Tahirit . Tahiri kishte eliminuar 99% të parcelave, Xhafaj deklaroi “Zero kultivim këtë vit”. Nuk kuptohet, këto parcelat që shpall se kap vetë policia dhe tonelatat që kap Italia, nga dalin!!!

Prokurorja e Krimeve të Rënda, që u gradua në këtë post pas sukseseve që pati në prokurorinë e Durrësit ( në tre muajt që drejtoi , u vodh posta sekrete dhe vetë zyrat e prokurorisë) më në fund paska kërkuar të dijë në se ka apo jo “peshq të mëdhenj” nën procedim tek kjo prokurori. Të shohim a do gjenden dosjet dhe përgjimet e ministrave, deputetëve dhe kryebashkiakëve socialistë që ishin në procedim deri ditën që prokuroret e Ramës u dërguan për ti zhdukur.

Vettingu vazhdon avazin cdo dite. Nuk e di sa te korruptuar ka hequr nga sistemi, po dihen te gjithe te korruptuarit qe ka mbajtur sepse i kane sherbyer dhe jane te vendosur ti sherbejne Rames.

Sistemi i drejtesise ka rene. Shejtani tani mund te bej c’te doje; te grabise me ligj special antikushtetues pronat publike dhe private. Te fale dhe detin e naften poshte tij sepse askush nuk mund ta ndale.

Qytetaret qe me te drejte ankoheshin per te korruptuarit ne sistemin e drejtesise, tani nuk kane as ku te ankohen . Shejtani ka shpallur shtetin pa sistem drejtesie.

Nderkohe papunesia , varferia , pabarazia dhe padrejtesia , thellohen.

Kryeskllavopronari i shqiptareve e njeh mire devizen: “Skllavit hiqi buken dhe shtoi drurin qe ta mbash nen sundim”

Çeshtja mbetet, a do pranojme te trajtohemi si skllever?”, shkruan Paloka.