Vala e të nxehtit mbërrin në Kroaci. Ja sa zgjatë…

Pas goditjes që i dha Evropës në perëndim dhe veri, vala e të nxehtit sot ka mbërrit në Kroaci.

Meteorologët parashikojnë temperaturën prej 35 gradë celsius, ndërsa natën deri në 20  gradë celsius.

“Nuk do të ketë temperatura ekstremet të larta, por temperatura nuk do jetë as mesatare. Në Zagreb në 7, 8, 9 ditët e ardhshme do të kemi periudhën ndër më  të nxehtat por jo edhe më të nxehtën. Do të kemi temperaturën ndër pesë më të lartat që kur mbahet mend se është matur në këtë periudhë të vitit. Por sipas të gjitha gjasave pa ndonjë rekord të ri,” tha për televizionin publik kroat, HRT, Zoran Vukallo.

Vala e të nxehtit që mund të ndikoj tek shëndeti, ka filluar në pjesën më të madhe të Kroacisë ndërsa nesër pritet që kjo të jetë më e theksuar në bregdetin e Adriatikut, dhe do të zgjas deri në fund të javës.

Mjekët japin alarmin se kjo valë e të nxehtit mund të përkeqësoj shëndetin dhe rekomandojnë masa mbrojtëse si hija dhe konsumimi i madh u ujit.

Se sa të tmerrshme do të jenë sot temperaturat u pa që në mëngjes kur në Split në orën 7:00 ishte 28.1 gradë celsius, Dubrovnik 28.3, Knin 25.4, Lastovë 27.5, Pag 26 dhe Pulla 26.1 gradë celsius.