Paloka ka një mesazh për Markun/ A janë zhdukur dosjet e ministrave apo ti thjesht ve firmën…
Nënkryetari i PD, Edi Paloka, është ende në pritjeje të një përgjigjeje nga Prokurorja e Përgjithshme e Përkohshme Arta Marku nëse ka dijeni për dosjet e hapura ndaj ministrave dhe kryebashkiakëve socialistë.
Në në mesazh në rrjet ndaj Markut, që shkurtimisht e quan “PPP-ja e Ramës”, Paloka shprehet:
“A i ka zhdukur PPP-ja e Ramës në Prokurori dosjet e ministrave dhe kryebashkiakëve socialiste ? Gjatë raportimit të Markut në komisionin e ligjeve , pyetja e parë që unë i drejtova ishte : “A keni dijeni ju nëse prokuroria e krimeve të rënda ka patur në hetim dhe përgjim ministra, deputete dhe funksionare të PS? Çfarë është bërë me ato dosje?” Përgjigja edhe për këtë pyetje si për gjithë të tjerat ishte “Nuk e di!”
Pra ajo që u vu prej Ramës , në kundërshtim me Kushtetutën, në krye të Prokurorisë së Përgjithshme e që u akuzua që ditën e parë nga opozita se po dërgohej aty pikërisht për të mbyllur dosjet e ministrave socialiste, “nuk e dinte” nëse kishte dosje të hapura për ministra socialistë…!!!
Po mbasi u pyet në Komisionin e Ligjeve, a u interesua të dije? Dje është akuzuar direkt nga lideri i opozitës së bashkë me të emëruarën e saj në Prokurorinë e Krimeve të Rënda i kanë zhdukur këto dosje! Do përgjigjet PPP-ja apo ajo vetëm firmën vë aty ku i tregojnë shenjën?” përfundon Paloka.
