Papa Françesku: Do realizojë një vizitë në Kosovë!

Papa Françesku ka paralajmëruar se do të zhvillojë një vizitë në Kosovë.

Ai saktësoi se ende nuk ka asgjë konkrete, por janë duke diskutuar dhe koordinuar lidhur me këtë vizitë.

“Asgjë nuk është vendosur për vizitën, por po punojmë për një vizitë në Kosovë,” tha Papa Françesku.

Pas vizitës në Lisbonë, në kuadër të Ditës Botërore të Rinisë, ku u prit nga rreth 500 mijë të rinj në Parque Eduardo VII, Papa Françesku do të udhëtojë në Mongoli mes 31 gushtit dhe 4 shtatorit dhe do të marrë pjesë në Marsejë të Francës, në takimet mesdhetare që mbahen më 22 dhe 23 shtator.

Ndryshe, vizita e Papa Françeskut në Kosovë vjen pas pritjes që i bëri në Selinë e Shenjtë, Presidentes Vjosa Osmani dhe Kryeministrit Albin Kurti.