Paralajmërimi/ Basha: Nëse Meta dekreton ligjin për Teatrin, bëhet pjesëmarrës në grusht shteti

Kryetari i PD-së, Lulzim Basha, i ka përcjellë një mesazh të prerë Presidentit Ilir Meta lidhur me ligjin për Teatrin. E ndërsa afati që ka Kreu i Shtetit për të dekretuar ose jo ligjin e miratuar me votat e socialistëve dhe që i hap rrugën shembjes së Teatrit Kombëtar, është fundit i muajit, Basha tha se “nëse ky ligj dekretohet në heshtje ose jo, nuk kemi të bëjmë me gjë tjetër përvecse pjesëmarrje në grusht shteti”.

“E kam fjalën për cdo instancë që bëhet pjesë e kthimit të parlamentit në një Rajshtag të sitlit hitlerian e merr pushtete që nuk ia jep Kushtetuta. Nëse kjio vijë e kuqe shkelet ne jemi de fakto në gjendje lufte civile”, tha Basha.

Basha është pyetur në një komunikim që ka pasur me mediat në lidhje me peticionin e disa artistëve që i kërkojnë Kreut të Shtetit të dekretojë ligjin për Teatrin, ndërsa u shpreh “i mirëkuptoj artistët që duan një godinë të re për shkak të kushteve. Plani për të shembur një pjesë të rëndësishme të mos quhet më Tirana por Tirama, kjo është ëndrra e vjetër e këtij psikopati”.

“Mashtrimet e Ramës janë afishuar, s’ka Rama projekt per teater te ri, ka projekt për kulla. Kush i shkon pas midesë Ramës, instrumentalizohet, artistët janë mashtruar, manipuluar.

Mundësitë ekzistojnë, alternativa, s’ka vullnet se kjo qeveri s’ka ndër mend ti shërbejë artistëve.

Ne kemi një plan me dy pika që e para: plan që financimi i artit e kulturës të jetë në nivelin e vendeve evropiane dhe dy subvencionimi të bëhet nga borde të zgjedhura në mënyrë demokratike e transparente, decentralizimi i menaxhimit të financave”, tha Basha.

Kreu demokrat ka ripërsëritur deklaratat e tij se nëse Rama do t’I vërë minat Teatrit, atëherë minat e ligjit do t’i vendosen edhe kullave që do të ndërtohen.

“Nëse vihet dorë mbi Teatrin Kombëtar, mina apo rruspa, të njëjtën gjë e pret çdo projekt mafioz, minat ose rruspat! Ne do të bëjmë gjithçka për ta shmangur, por njoftimin do ta bëjmë publikisht me shkrim: Minat dhe rruspat i presin dhe kjo është më e pakta, se i pret një gjë më e rëndësishme, një kontroll që do t’u duket Vetingu si piknik. Që nga Bjorke Ingels, për të cilin po përgatitet padia penale këtu dhe ë Prokuroinë e Danimarkës deri tek blerësi më i rëndomtë i ndonjë prone të ngritur mbi këtë krim monstruoz”, tha Basha.