Reforma Zgjedhore/ Basha: Jo më në letër, duhet vullnet që qeveria të ndahet nga krimi

Kreu demokrat Lulzim Basha e sheh reformën zgjedhore të lidhur me ndarjen e qeverisë nga krimi. Basha tha se çdo reformë zgjedhore që mund të bëhet në letër nuk mund të ndalojë Toyota Yaris që të blejnë zgjedhjet me milionat e eurove që qarkullojnë.

“Do të mjaftonin dy Toyota Yaris si ajo që u bllokua për të blerë zgjedhjet.

Në kuptimin teknik reforma zgjedhore ka ecur përpara, sepse komisioni ka punuar deri ditën e fundit.

Nuk ka reformë zgjedhore që ti japë zgjidhje blerjes së votës,

Prandaj zgjidhja është ndarja e qeverisë nga krimi, duhet zgjidhje reale jo reformë në letër.

Synimi ynë është që në rrafshin teknik reforma zgjedhore të garantojë procesin dhe të garantojë vullnetin e qytetarëve, qoftë në zgjedhjet vendore, qoftë në zgjedhjet e përgjithshme”, u shpreh Basha.