Parashikimi i motit, për datë 12 Mars, ja çfarë pritet

Parashikimi i motit, për datë 12 Mars:

Sot priten reshje mesatare deri lokalisht intensive në qarqet Shkodër, Kukës, Lezhë, Durrës, Vlorë dhe Gjirokastër kurse në qarqet Tiranë dhe Elbasan priten reshje mesatare, ndërsa në qarqet e tjerë priten reshje të dobëta deri lokalisht mesatare.

Reshjet, parashikon Instituti i Gjeoshkencave, do të shoqërohen edhe me shtrëngata.

Në Veri në lartësitë mbi 800 m nga niveli i detit reshjet do të jenë në formë dëbore.

Shtrëngatat dhe intensiteti i lartë i reshjeve për momente të shkurtra mund të krijojnë probleme të ndryshme si dhe vërshime të ujit në zonat urbane në varësi të sistemit të kanalizimeve në qarqet Shkodër, Kukës, Lezhë, Durrës, Vlorë dhe Gjirokastër.

Era pritet të fryjë e lehtë deri mesatare.

Temperaturat minimale dhe maksimale:

Në bregdet: 10 / 15 °C

Në vendet e ulëta: 9 / 14 °C

Në vendet malore: 4 / 11 °C