Partia Demokratike thërret me 30 maj Kuvendin Kombëtar, ja agjenda
Partia Demokratika ka vendosur ta ndryshoj Vendimin Nr.35 të datës 17 Mars 2026 dhe të thirrë Kuvendin Kombëtar më 20 Maj 2026.
Në Kuvend është parashikuar të diskutohet mbi situatën politike në vend, sfidat e integrimit evropian, si dhe çështje që lidhen me funksionimin e demokracisë dhe shtetit ligjor.
Pikë e rëndësishme e rendit të ditës pritet të jetë dhe përcaktimi i vijës së aksionit politik të PD-së, ndërsa do të prezantohen edhe ndryshimet statutore nga grupet e punës përkatëse.
Platforma për dixhitalizim dhe modernizim të partisë, si dhe organizimi i strukturave të saj në diasporë do të jenë pjesë e agjendës së këtij Kuvendi Kombëtar të PD ku do të zgjidhen dhe anëtarët e Këshillit Kombëtar.
Ndërkohë mësohet se Partia Demokratike ka hapur zyrtarisht procedurat për zgjedhjen e Kryetarit të ri të PD.
Komisioni i Organizimit dhe Kontrollit të Operacioneve Elektorale, KOKOE, ka përcaktuar hapat që do të ndiqen në këtë proces ndërsa afati për dorëzimin e kërkesave për kandidim, së bashku me dokumentacionin përkatës, është caktuar data 30 prill, ora 12:00.
Kandidatët duhet të paraqesin një kërkesë me shkrim, shprehje interesi, një CV dhe formularin e pastërtisë së figurës.
KOKOE ka përcaktuar dhe kriteret që duhet të plotësojnë kandidatët për kryetar të PD-së: Duhetet të jenë anëtarë të PD-së me profil të lartë publik dhe politik, me të paktën 10 vite angazhim politik dhe elektoral në parti. Po ashtu, kërkohet eksperiencë drejtuese në nivel kombëtar ose rajonal në beteja politike, si dhe përmbushja e kritereve ligjore për integritetin e personave që ushtrojnë funksione publike.
Kryetari aktual i PD-së Sali Berisha ka bërë me dije se do të kandidojë sërish për këtë post.
Ndërsa, nga terreni i mediave nën kontrollin e Edi Ramës, pritet nëse do të kandidohen të gjithë ata kandidatë që morën pjesë në fushatën e denigrimit të figurës së Kryetarit aktual të PD, Sali Berisha, dhe procesit për zgjedhjen e Kryetarit të ri të Partisë Demokratike.
