Pas dështimit në Bruksel/ I papërgjegjshëm, Rama: Po, është përgjegjësia ime pse Franca dhe Gjermania kanë dy qasje të ndryshme!

Pas dështimit në Bruksel dhe lajmit të hidhur nga Samiti i Bashkimit Europian për mosçeljen e negociatave me BE, personi më i pashqetësuar në Shqipëri rezultoi të jetë fajtori kryesor i këtij dështimi, Kryeministri Edi Rama. Sot nuk hapi shampanjë sikur se një vit më parë me Ditmir Bushatin kur tha se negociatat u çelen, ama sot tha se shtetet anëtare kanë probleme të brendshme, akuzave të opozitës iu përgjigj me ironi duke akuzuar Gjermaninë dhe Francën dhe tha se nuk ka arsye për mocion mosbesimi ndërsa për zgjedhjet e parakohshmenuk arsye se ka shumë punë.

“Tanimë e ka thënë jo vetëm me shkrim KE po e keni dëgjuar vetë, të thuhet nga një pjesë e madhe e kryeministrave dhe kancelaria e Gjermanisë, nga ana tjetër dua t’ju them se kam marrë një numër të madh mesazhesh nga një pjesë e kryeministrave të pranishëm ne takim, kemi qenë në kontakt dhe dje dhe mbrëmë.

Kam komunikuar edhe me presidentit e Francës, dhe nëse duam të shikojmë drejt në sy të vërtetën, është ajo që kam thënë më parë, duke e parë nga të gjitha kontaktet, se procesi po shkonte drejt një përplasje qasjesh mes Francës dhe Gjermanisë dhe një pjesë të konsiderueshme të frontit që ishte për një “PO” të qartë, ndërkohë që Gjermania bëri një lëvizje për të pasur një qasje kompromisi duke i vënë një “POR” “PO”-së, dhe nuk ka pasur asnjë hapje nga ana e tij, për të gjitha ato që i dëgjuat vetë, dhe në konferencën e shtypit i tha ndoshta më shkoqur se herët e tjera, unë i kam dëgjuar edhe më shkoqur se aq, Franca nuk pranon të shkohet me të njëjtin proces, duan reformim të brendshëm të BE dhe të procesit të integrimit, deri në pikën të arrihet në një tjetër objektiv.”

Liderët e Bashkimit të sotëm Evropian që nga Presidenti i Këshillit, tek komisioneri për Zgjerimin e kanë thënë shumë qartë që kjo që ka ndodhur është rezultat i mos arritjes së konsensusit nga vendet anëtare për arsyet e tyre dhe natyrisht pastaj, është e tepër kur i shtojmë bishta kësaj që është thelbësore jo po azilantët, jo po kjo, jo po ajo, thekson Edi Rama plotësisht i relakuar thuase po shpërndan ato kartonat idiot të legalizimit nëpër fshatërat e Shqipërisë:

“Thelbi është ky, jo ne dhe Maqedonia e Veriut por cilido nga vendet që janë në BE të kishte pritur konsensus nuk do ta kishte marrë. Kemi marrë një refuzim për t’u marrë në konsideratë për çeljen e negociatave por asgjë më shumë se kaq.

Rruga jonë është e njëjta. Natyrisht, kemi bërë një reformë në drejtësi, e cila nuk u është kërkuar fare disa prej vendeve që kanë hyrë në BE. E kemi bërë sepse është gjëja e duhur për ne. Do të vazhdojmë me plotësimin e parakushteve të vendosura në votën Po të Bundestagut për reformën zgjedhore dhe natyrisht në pritje të plotësimit të Gjykatës Kushtetuese. Do të vazhdojmë më pas me pjesën tjetër që ka të bëjë me kërkesa të lidhura me funksionimin më të mirë të shtetit.”

Me plotë të drejtë Edi Rama tha se justifikimet e Emmanuel Macron për shtimin e numrit të azilantëve është një çështje bishtash, ashtu siç rezultojnë të jenë sot dhe justifikimet e tij.

“Liderët e Bashkimit të sotëm Evropian që nga Presidenti i Këshillit, tek komisioneri për Zgjerimin e kanë thënë shumë qartë që kjo që ka ndodhur është rezultat i mos arritjes së konsensusit nga vendet anëtare për arsyet e tyre dhe natyrisht pastaj, është e tepër kur i shtojmë bishta kësaj që është thelbësore jo po azilantët, jo po kjo, jo po ajo.

Thelbi është ky, jo ne dhe Maqedonia e Veriut por cilido nga vendet që janë në BE të kishte pritur konsensus nuk do ta kishte marrë. Kemi marrë një refuzim për t’u marrë në konsideratë për çeljen e negociatave por asgjë më shumë se kaq. Rruga jonë është e njëjta.”

Natyrisht, kemi bërë një reformë në drejtësi, e cila nuk u është kërkuar fare disa prej vendeve që kanë hyrë në BE, tha Rama, por anashkaloi krimin e organizuar dhe korrupsionin.

“E kemi bërë sepse është gjëja e duhur për ne. Do të vazhdojmë me plotësimin e parakushteve të vendosura në votën Po të Bundestagut për reformën zgjedhore dhe natyrisht në pritje të plotësimit të Gjykatës Kushtetuese. Do të vazhdojmë më pas me pjesën tjetër që ka të bëjë me kërkesa të lidhura me funksionimin më të mirë të shtetit,” tha Kryeministri duke e konsideruar dështimin e tij si jë përplasje mes të mëdhenjve dhe është një lojë qasjesh dhe interesash që është shumë më e madhe se këtu në Shqipëri dhe rajon.

“Askush nuk e ka përjashtuar dhe përjashton perspektivën e integrimit tonë në BE. Në fund të fundit, procesi i integrimit është një proces i transformimit të brendshëm që përputh legjislacionit, sistemin e funksionimit të institucioneve në funksion të njerëzve tanë.

Dua ta vë theksin tek fakti se ndërkohë që ata të cilët janë jashtë nesh, ata që përfaqësojnë BE e thonë pa ekuivok që në mos arritjen e vendimit të djeshëm, përgjegjësia është e brendshme e BE-së. Është e papranueshme dhe e diskutueshme që këtu mes veti shtrohet diskutimi që mos vendimi i djeshëm vjen si pasojë e mos përmbushjes së detyrave,” është rehat Rama duke vazhduar të mendoj se Qeveria e tij i ka përmbushur detyrat jo një herë por dy herë rresht, edhe pse tashmë është e qartë se nuk e ka idenë se cilat janë detyrat ashtu si dhe përmbyshja e tyre.

“E kam parë qartë që ka një mos përputhje që do çojë në konflikt dhe dje u shpalos plotësisht. Kryeministri italian e quajti gabim historik, por nga ana tjetër nuk mund të mos shtojë që Franca është një nga themeluesit e BE-së. Është në të drejtën dhe legjitimitetin e vet të kërkojë rregulla brenda një shtëpie. Ajo që mbetet esenciale është që ne të vazhdojmë rrugën që kemi nisur.

Nëse një pjesë të vendeve i kemi pasur gjithmonë mbështetje për shkak të qasjes së tyre.

Kancelarja ka bërë gjithçka për të arritur një formulë kompromisi dhe për të mos lejuar që Këshilli të përfundonte pa tekst. Është një përplasje e madhe për të nesërme të BE-së. Kemi pasur një problem të madh gjatë 6 mujorit të parë për gjithë atë që u bë këtu për të hedhur hije mbi procesin.

I kemi kapërcyer me diplomaci dhe me gjuhën e fakteve dhe kemi marrë mbështetjen e shumicës prej tyre. Ajo çka na mbetet është të vazhdojmë sepse nuk ka asnjë alternativë tjetër. Shqipëria evropiane nuk është një nga planet është e vetmja alternativë, është testament dhe detyrimi i vetëm i madh dhe i pa tjetërsueshëm që ne i kemi gjeneratave të tjera.”

Për ata që kishin dyshime mbi autoritraizmin e Edi Ramës, kishin rastin tat shohin kur u pyet nga gazetarët nëse do të kërkonte një mocion mosbesimi nga deputetët apo qoftë edhe nga populli.

“Mund t’ia kërkoj parlamentit francez, parlamentit shqiptar nuk kam pse ia kërkoj, Parlamentit francez nuk ia kërkoj dot. Maqedonia ka 14 vjet që pret t’i çelen negociatat dhe nuk merr asnjëherë po. E detyruan të ndërrojë emrin, duke i premtuar që u bë kjo, u zgjidh. Dhe ja ku jemi.

Kishte plot që thoshin do ndahet Maqedonia e Veriut. Po kishte edhe zëra brenda BE-së. Asnjëherë nuk ka qenë një opsion. E kemi rrezikuar në maj-qershor për shkak të katrahurës që u bë këtu. Nuk ka lidhje në thelb vendimmarrja me çfarë ka bërë njëri dhe çfarë ka bërë tjetri. Ata ndërruan emrin. Atëherë, çfarë duhet të bëjnë më shumë ata?!

U gjendën në një moment të historisë dhe bashkëjetesës së BE ku ndodh një përplasje e madhe mes Francës dhe Gjermanisë. Mekanizmi është i tillë që mund të jenë dakord të gjithë dhe njëri mund të thotë jo. E dëgjova kryeministrin e Holandës që tha nuk ka bërë progres të mjaftueshëm. Të mjaftueshëm në raport me çfarë? Nëse e krahasojmë çfarë na është kërkuar dhe çfarë kemi bërë dhe çfarë kanë bërë vendet e tjera janë shumë më tepër sepse procesi është bërë më i vështirë dhe më kërkues.”

Nga opozita u akuzua si fajtor për mosçeljen e negociatave por përgjigjet me ironi pa lidhje dhe batuta që i konsumoi edhe me kancelaren Merkel por që i ranë kokës popullit shqiptar sot.

“Natyrisht që është përgjegjësia ime pse Franca dhe Gjermania kanë dy qasje të ndryshme, dhe s’kam mundur dot t’i bind se cila është rruga e duhur për të qenë në harmoni. Faji im që kanë zgjedhje evropiane, faji im që vendet dërrmuese thonë PO, ndërsa Franca dhe dy vendet e tjera thonë JO.

Nuk diskutohet se një qeveri me ata që dalin bashkë dhe thonë ne jemi opozita e bashkuar, sot do kishte marrë çeljen e negociatave. Nëse për shembull në vend të Gentit do ishte Nard Ndoka, konsensusi do ishte i garantuar, pa filluar fare takimi, madje do ta kishin ftuar dhe në darkë që të dëgjonin se do të ishte e ardhmja e BE. Këto janë normale dhe unë i mirëkuptoj, por për sa  i përket temës, nuk kanë lidhje me temën.”

Për të gjithë ata që menduan se pas një dështimi kaq të madh, Kryeministri mund të mendon edhe për zgjedhje të parakohshme, Edi Rama ka një koncept ndryshe për zgjedhjet dhe mendon se bëhen për opozitën dhe jo mirëqenien e qytetarit:

“Votë besimit për të plotësuar një nga pikat apo për të kënaqur ata?! Ne kemi absolutisht shumë gjëra për të bërë dhe nuk kemi asnjë kohë për të humbur. Kemi plot punë për të bërë, nuk behet fjalë për të kënaqur askënd që nuk ka punë për të bërë apo s’di çfarë pune të bëjë.”