Pas Këshillit të Sigurisë Kombëtare, Basha: Kërkova rritjen e testimeve dhe mbështetje për…

Pas mbledhjes së Këshillit të Sigurisë Kombëtare ndonëse dyshja Meta-Rama foli për atë që u diskutua dhe foli me superlativa për klimën që mbretëroi në mbledhje, nuk përmendi kërkesën kryesore të opozitës, rritjen e testimeve, për të cilën lideri i opozitës, Lulzim Basha, përmes një deklarate e konfirmoi madje se kishte detajuar edhe arsyet, nevojën dhe përfitimet që kanë qytetarët nga rritja e testimeve.

“Në mbledhjen e KSK detajova arsyet, nevojën dhe përfitimet që kanë qytetarët nga rritja e testimeve, si dhe i kërkova qeverisë mbështetjen për familjet në nevojë dhe bizneset në këto kohë të vështira. Njerëzit duan garanci për jetën, shëndetin dhe mirëqenien e tyre,” tha Lulzim Basha duke përsëritur se ky është angazhim i tij dhe i opozitës ndërsa përfundoi:

“Gjithë energjitë dhe resurset e qeverisë duhet të shkojnë për të lehtësuar krizën dhe jo për sulme politike, sepse sot shqiptarët e papunë dhe në vështirësi ekonomike, kanë nevojë për mbështetje të menjëhershme.”

Deklaratë e Kryetarit të PD, Lulzim Basha

Në mbledhjen e KSK detajova arsyet, nevojën dhe përfitimet që kanë qytetarët nga rritja e testimeve, si dhe i kërkova qeverisë mbështetjen për familjet në nevojë dhe bizneset në këto kohë të vështira.

Njerëzit duan garanci për jetën, shëndetin dhe mirëqenien e tyre.

Ky është angazhimi im dhe i opozitës.

Gjithë energjitë dhe resurset e qeverisë duhet të shkojnë për të lehtësuar krizën dhe jo për sulme politike, sepse sot shqiptarët e papunë dhe në vështirësi ekonomike, kanë nevojë për mbështetje të menjëhershme. #ditemetemira