Komisioni Rithemelimit PD depozitoi ndryshimet e Statutit, Gjykata: Jemi në pritje…

Pas dorëzimit të kërkesës për ndryshimet e Statutit si dhe vendimmarrjet që u miratuan në Kuvendin e 11 Dhjetorit nga Komisioni i Rithemelimit të PD, Gjykata e Tiranës, ka bërë ditur se çështja është regjistruar dhe është në pritje të hedhjes së shortit.

“Ditën e djeshme, datë 15.12.2021, është depozituar në Gjykaten e Tiranës, Dhoma Civile, kërkesë nga Partia Demokratike e Shqipërisë, me objekt “Depozitim ndryshimesh statutore dhe vendimmarrje të Kuvendit Kombëtar”. Çështja është regjistruar dhe në pritje për t’ju nënshtruar proçesit të shortimit pranë kësaj gjykate,” sqaron Gjykata e Tiranës përmes një njoftimi.

Ndryshe, pas Kuvendit Kombëtar të 11 Dhjetorit ku përveç ndryshimeve statutore është shkarkuar dhe Kryetari i PD, Lulzim Basha me Kryesinë e tij, derisa Komisioni i Rithemelimit të PD si organ kolegjial i caktuar të drejtoj partinë deri në zgjedhjen e Kryetarit të ri të PD, është marrë me zyrtarizimin në Gjykatë të vendimeve të Kuvendit, Kryetari i shkarkuar ka filluar “shkarkimin” e të gjithë atyre delegatëve që u bënë pjesë e Kuvendit të 11 Dhjetorit.

Njoftimi:

Pershendetje te gjitheve, nisur nga interesimi juaj, ju bej me dije se diten e djeshme, date 15.12.2021, eshte depozituar ne Gjykaten e Tiranes, Dhoma Civile, kerkese nga Partia Demokratike e Shqiperise, me objekt “Depozitim ndryshimesh statutore dhe vendimmarrje te Kuvendit Kombetar”.

Ceshtja eshte regjistruar dhe ne pritje per t’ju nenshtruar proçesit te shortimit prane kesaj gjykate.

Ju uroj dite te mbare.