Pas mbledhjes me Qeverinë, Vuçiç: Kërkova kthimin e dënimit me vdekje!

Ndryshe nga incidentet në Veri të Kosovës, ku të gjithë duan të luftojnë me shqiptarët me gjithë arsenalin ushtarak që kanë, sot as Qeveria e Serbisë nuk e mbështeti Presidentin Aleksandar Vuçiç kur ai kërkoi të ashpërsoj masat pasi për 48 orë vetëm dy persona e gjunjëzuan shtetin e Vuçiçit duke lënë 17 të vrarë dhe 20 të plagosur!

Pas një mbledhje urgjente sot me Qeverinë, kur sulmi i 3 Majit në një shkollë fillore në kryeqytetin serb me 9 të vrarë dhe 6 të plagosur u pasua mbrëmjen e së enjtes me një vrasje tjetër ku mbetën 8 persona të vrarë dhe 14 u plagosëne po në territorin e Beogradit, Presidenti i Serbisë, Aleksandar Vuçiç tha se kishte propozuar kthimin e dënimin me vdekje por ajo u kundërshtua për shkak të disa konventave, siç tha ai, të mençura.

“Në mëngjes i kam propozuar Ana Brnabiçit që ta kthejmë dënimin me vdekje, por ajo dhe Qeveria ishin kundër, meqë do të ishim të vetmit me Bjellorusinë që do të kishim dënimin me vdekje në Evropë. E kjo ndoshta nuk mund të bëhet edhe sipas disa konventave shumë të mençura,” tha presidenti serb që njihet me arbitraritetin e tij për shumë vendime ashtu si dhe kërcënime, e kjo u pa kur foli ende pa fol drejtësia edhe pas këtyre rasteve makabre:

“E këto mostra kurrë nuk do të dalin nga burgu. Do të ketë drejtësi. As ai mostra i vogël, dhe as ai i madhi, sipas moshës vetëm. Dhe pastaj do më thënë mos ndërhyjë në drejtësi. Ra miza mbi ariun, edhe ashtu më thonë diktator dhe kafshë. Jo po do ju lëmë të vrisni fëmijë,” tha presidenti, shteti i të cilit u shkërmoq nga dy persona që kapën armët në dorë, dhe sot i kanë faj vetëm mediat:

“Në epokën e rrjeteve sociale, dje kishim 25 ndërhyrje të policisë në Serbi, për shkak të sjelljeve të papërgjegjshme dhe të tmerrshme të të rinjëve që imitojnë vrasësin. Dhe, kishim dhe 20 telefonata të rrejshme. Policia jonë nuk arrinë ti arrestoj të gjithë. E për të gjithë duhet të përgjigjemi. Duhet të falënderoj të gjitha njësitet e policisë, që mbrëmë kishin një punë të vështirë, nëpër terr e ndjekën vrasësin. Dua ta falënderoj taksinë nga Kragujevci, i cili e dinë se çfarë është shteti dhe njeriu i drejtë. Për dallim nga disa njerëz të tjerë që e dinin se ku ishte vrasësi dhe nuk i treguan policisë. Edhe ata do të përgjigjen,” tha Vuçiç duke vazhduar me kërcënimet e për të dëshmuar se pse e ka vëlla Edi Ramën, filloi të vjellë mbi mediat:

“Ju publikuat lajmin se mësuesja ka vdekur. Dhe, ajo nuk ka vdekur. O njerëz, përmbahuni informacioneve zyrtare, askush nuk po fshehë asgjë, nuk po jetojmë në mesjetë. Ne nuk jemi vrasës, këtu jemi për të luftuar kundër vrasësve. Dëgjoni se çfarë thonë organet kompetente, e jo të rriheni për t’u futur në shkollë. Çfarë do të fotografoni? Fëmijë të vdekur. Dhe gërthitni mbi policë që nuk ju lejojnë. Ndaloni, o njerëz, ju lutem. Më mirë që diçka edhe të mos publikosh se sa të publikosh lajme të pakofirmuara. 500 lajme të pakonfirmuara ishin mbrëmë, prit të thuhet zyrtarisht,” tha Presidenti i Serbisë i cili pas çdo incidenti në Veri të Kosovës nxjerrë nga goja me mijëra lajme të pakonfirmuara, nuk kërkon falje kur konfirmohen dhe nga ndërkombëtarët, por, kjo nuk e pengon ti jap leksione mediave që janë mësuar asgjë të mos marrin nga institucionet e shtetit që drejton Aleksandar Vuçiç.

Në fund, pasi fajësoi të gjithë ata që nuk kanë lidhje me insitutcionet shtetërore edhe pse ato janë të vetmet fajtore për dy masakrat e tmerrshme në 24 orë në Serbi, ai tha se Qeveria ka vendosur të ndryshoj ligjin për armët dhe armatimin.

“Të gjithë njerëzit që posedojnë armë, e ata janë 400 mijë vetë, nuk flas për armë gjahu, të gjithë do ti nënshtrohen kontrollit, dhe do të mbesin jo më shumë se 40 mijë. Do t’a çarmatosim Serbinë, e dënimet do të jenë të mëdha. Dhe, do të shohim se si do të pajiseni me armë. As kjo nuk mjafton, edhe ato pak armë që do të mbesin, do të bëhet verifikimi gjashtëmujor i personave, me kontrolle mjeku, psikiatrike dhe kontrolle të tjera, dhe kur shërbimet kompetente të thonë, atëherë testi i obliguar për drogë, me paralajmërim vetëm 48 orë para testit,” tha Aleksandar Vuçiç duke bërë të ditur se ka urdhëruar ministrinë e Drejtësisë që të ashpërsoj dënimet për armëmbajtje pa leje dhe trafik të armëve.

– Për kallashnikov, prej dy deri 12 vjet burg.

– Për bomba, granata nga pesë deri në 15 vjet burg.

– Armëmbajtje pa leje, gjithashtu nga pesë deri në 12 vjet burg.

– Ashpërsimin e dënimeve për mbajtjen e mjeteve të rrezikshme, thikave, e mjeteve tjera me të cilat mund të shkaktohen lëndime të lehta dhe të rënda trupore nxënësve.