Pas protestës/ Nuk iu përkul komunizmit, PD: Shkodra nuk do ti përkulet as Edvin Ramës!
Shkodra, nuk iu përkul komunizmit e kurrsesi nuk do ta pranojë as përkuljen ndaj Edvin Ramës! Kështu thekson Partia Demokratike Dega Shkodër në reagimin pas konstituimit të Këshillit Bashkiak të dal nga zgjedhjet e 30 Qershorit duke shtuar se protesta e sotshme ishte shprehja më e qartë e vullnetit të qytetarëve të Shkodrës:
“Konstituimi i këshillit ilegjitim bashkiak me prezencën e forcave të FNSH-së ishte një shfaqje qesharake brenda një celule të uzurpuar me forcë nga klika e Ramës. Shfaqje që vazhdon me arrestimet politike njësoj si etërit e tyre, në mes të të arrestuarve edhe kryetari i Forumit rinor të Partisë Demokratike Shkodër, Arvit Bushati,” thekson PD Dega Shkodër duke shprehur gatishmërinë të mbrojnë me çdo kusht Shkodrën nga pushtimi i Rilindasve të cilët përveç krimit e drogës nuk ndjellin kurrë asgjë të mirë ndërsa përfundon:
Të gjithë bashkë për të mos pranuar që e keqja të mbysë djepin e demokracisë !
Reagimi i plotë
Shkodra,nuk iu përkul komunizmit e kurrsesi nuk do ta pranojë as përkuljen ndaj Edvin Ramës !
Protesta e sotshme ishte shprehja më e qartë e vullnetit të qytetarëve të Shkodrës,e konstituimi i këshillit ilegjitim bashkiak,asgjë tjetër veç një shfaqje e turpshme që kurrsesi nuk i ngjan një konstituimi të vërtetë,kur vendi i organizimit ndërrohet në sekondën e fundit e mbledhja organizohet me prezencën e forcave të FNSH-së. Një shfaqje qesharake brenda një celule të uzurpuar me forcë nga klika e Ramës.Shfaqje që vazhdon me arrestimet politike njësoj si etërit e tyre,në mes të të arrestuarve edhe kryetari i forumit rinor të Partisë Demokratike,Shkodër Arvit Bushati.
Ne jemi të gatshëm të mbrojmë me çdo kusht Shkodrën nga pushtimi i Rilindasve të cilët përveç krimit e drogës nuk ndjellin kurrë asgjë të mirë.
Të gjithë bashkë për të mos pranuar që e keqja të mbysë djepin e demokracisë !
