Pas shkrimeve në mediat greke, Prokuroria nis verifikimet për gjyqtaren Irena Gjoka

Pas shkrimeve në mediat greke se gjyqtarja e Gjykatës së Posaçme Kundër Korrupsionit dhe Krimit të Organizuar, Irena Gjoka është dënuar në Greqi për falsifikim dokumentesh, Prokuroria e Përgjithshme është vënë në lëvizje.

Prokuroria e Përgjithshme i ka nisur Këshillit Lartë Gjyqësor, KLGJ, më 19 prill 2024 kërkesë për verifikimin e gjyqtares Irena Gjoka, raporton BW.

Në përgjigje, KLGJ i ka vënë në dispozicion të gjitha dokumentacionin e gjyqtares Irena Gjoka, përfshirë dhe formularin e vetëdeklarimit.

Irena Gjoka, e cila është aktualisht gjyqtare në Gjykatën e Posaçme Kundër Korrupsionit dhe Krimit të Organizuar është vendosur sërish në qendër të mediave greke, teksa akuzohet për falsifikim dokumentesh.