Pas takimit me Bashën, Aleatët: Do përballemi në çdo cep të Shqipërisë me juntën politike!
Pas mbledhjes me Kryetarin e Partisë Demokratike, Lulzim Basha, Aleatët duke e bërë të qartë se nuk i njohin zgjedhjet e 30 Qershorit theksojnë se do të përballen në çdo cep të Shqipërisë me juntën politike.
Kryetari i LZHK-së, Dashamir Shehi, tha se është e thejshtë, do të ndjekin Dekretin e Presidentit:
“Kjo javë do të kulmojë në protestën popullore, në një raport krejt ndryshe me mediat për të përcjellë këtë ide fikse prej 4 muajsh. Këto nuk janë zgjedhje, nuk i njohim, janë votimet e zotit Edi Rama. Ne do ndjekim dekretin e Presidentit,” tha Dashamir Shehi ndërsa për vendimin e Kolegjit Zgjedhor u shprehë:
“Nuk ka ndonjë vlerë Kolegji. Janë disa fatkeqë që i ka rënë fati i keq të marrin disa vendime të vështira për veten e vet jo për ne, sepse ne nuk i njohim. Ne do përballemi në çdo cep të Shqipërisë me juntën politike.”
Aleatët edhe me këtë rast e bënë të qartë se zgjedhjet nuk i njohin:
“Këto zgjedhje nuk i njohim. Rrezikshmëria e këtij personi dhe këtij grupi është aq e madhe sa justifikon çdo lloj forme rezistence. E kemi treguar deri sot që janë mbledhur me qindra mijëra njerëz dhe nuk ka ndodhur asgjë. Kjo është rezistenca jonë që do jetë edhe më e madhe kësaj jave.”
Ndryshe, takimi i Kryetarit të PD, Lulzim Basha me Aleatët vjen pas mbledhjes së Kryesisë së PS ku Edi Rama përcaktoi detyrat për mbylljen e fushatës elektorale dhe zhvillimin e zgjedhjeve më 30 qershor si dhe me vendimin e Kolegjit Zgjedhor i cili e legjitimoi 30 Qershorin si datën e zgjedhjeve.
