Pas takimit me O’Brien, Vuçiç akuzon Perëndimin për Kosovën dhe Srebrenicën

Nd/Sekretari amerikan i Shtetit për Evropën dhe Euroazinë, James O’Brien, u takua në Beograd me Presidentin e Serbisë, Aleksandar Vuçiç, ku temë bisedimeve ishin Rezoluta për Srebrenicën dhe Kosova dhe po për këto tema zyrtari amerikan pritet të takoj dhe Kryetaren e Parlamentit, Ana Brnabiç në orët e pasdites.

Pas takimit Nd/Sekretari amerikan i Shtetit tha se kryesisht është biseduar për takimin e Vuçiçit në New York.

“Kosova ka premtuar se do të zbatoj detyrimet dhe do të formoj Asociacionin e komunave me shumicë serbe. Nëse kziston shqetësimi se bashkësia ndërkombëtare nuk po i plotëson detyrimet, shpresoj se do të punojmë se dhe të plotësojmë atë që kemi premtuar. Politika ndërkombëtare ndaj serbëve në Kosovë fillon në formimin e Asociacionit,” tha James O’Brien ndërsa për Rezolutën e Srebrenicën ai ishte i prerë, se duhet të përballemi me të vërtetën.

“Shumë autorë të gjenocidit ishin pjesë e procesit hetimor dhe u dënuan. E kutjoj që pjesa më e vështirë e hetimit ishte kur ushtria e Republika Srpskas dhe zyrtarët e saj garantuan sigurinë. Sot duhet të përballemi me të vërtetën,” tha zyrtari amerikanë.

Ndërsa Presidenti i Serbisë pa pendesë ndaj krimeve serbe dhe shtetit krimial serb, foli me gjuhën që përdor në takimet me truprojat e tij dhe jo një Nd/Sekretar amerikan të shtetit.

“I thashë se ne e dimë që jemi të vogël, se Amerika është superfuqi, por ne do ti kundërvihemi aq sa mundemi kësaj dhune ndaj shtetit serb dhe popullit, dhe do të luftojmë. Ne humbim, humbim, çfarë të bëjmë,” tha Vuçiç duke e bërë të qartë luftën kundër anëtarësimit të Kosovës në Këshillin e Evropës ndone është në kundërshtim me marrëveshjet e firmosura, por këto marrëveshje nuk i harron kur është fjala për Asociacionin për të cilin tha se ishte dakord me O’Brien ndërsa iu kthye gjuhës së rrugëve.

“Ky detyrim është i madh dhe i fuqishëm që 11 vjet si shkronjë e vdekur në letër. Na gënjejnë të gjithë së bashku, Prishtina dhe Brukseli. Ndoshta edhe nuk na gënjejnë, por pas 4000 ditëve asgjë nuk kanë bërë për dallim nga serbët që kanë zbatuar Marrëveshjen e Brukselit dhe disa detyrime nga nga ajo e Ohrit,” tha Presidenti i Serbisë duke gënjyer para zyrtarit amerikan dhe duke akuzuar Kosovën se po imponon çështje tjera dhe Departamentin amerikan të Shtetit, NATO-n dhe BE-në po heshtin.

“Siç është anulimi i dinarit, arrestimi i përditshëm i serbëve dhe rrahja e serbëve! Dhe, të gjithë heshtin duke përfshirë Departamentin amerikan të Shtetit, NATO-n dhe BE-në që heshtin. Dhe për këtë do ta shpërblejnë Kosovën me anëtarësim në Këshillin Evropës,” tha Vuçiç duke akuzuar të gjithë, madje duke mohuar dhe keqtrajtimin e shqiptarëve në vendkalimet serbe pasi Asambleja Parlamentare e KiE miratoi rekomandimin për anëtarësimin e Kosovës në Këshillin Evropës.

Ndryshe Autoritetet kosovare e akuzuan Serbinë më 17 prill se i ndaloi mbi 1.400 kosovarë për më shumë se 20 orë në pikat kufitare të saj me Kroacinë dhe Hungarinë, të cilët po kalonin transit nëpër Serbi.

Ndërsa Vuçiç duke e mohuar këtë dramë me autobusa të tërë që u zhvillua në sytë e botës tha se bëhet fjalët për verifikimin e disa ish-pjesëtarëve të UÇK-së që po kalonin kufirin.

Televizioni publik serb, RTS, tha se pas takimit Aleksandar Vuçiç udhëton drejt New Yorkut ku do të marrë pjesë në Asmablenë Parlamentare të OKB dhe ku do ta shoh se kush është miku i Serbisë! Madje, RTS citon Presidentin e Serbisë i cili është shprehur se rezultati i votimit të Rezolutës për Srebrenicën nuk do të jetë i tillë siç e mendojnë propozuesit e saj, ndërsa flet për shtetet perëndimore.

Ky qëndrim i Vuçiçit vjen pas tubimit të djeshëm kundër draft-rezolutës i cili u mbajt në Banja Llukë pasi Asambleja e Republikës Srpska e miratoi një raport që mohon gjenocidin në Srebrenicë, pavarësisht vendimeve të gjykatave ndërkombëtare që e konsiderojnë vrasjen e 8.300 civilëve boshnjakë në korrikun e vitit 1995 në Srebrenicë, gjenocid.

Ndëkohë që Rezoluta pritet të shpall 11 korrikun si Ditën Ndërkombëtare të Përkujtimit të Gjenocidit në Srebrenicë,  kërkohet, ndër të tjera të dënohet pa rezerva çdo mohim i gjenocidit në Srebrenicë, si dhe veprime që madhështojnë të dënuarit për krime lufte, përfshirë përgjegjës për gjenocidin në Srebrenicë, ndërsa nuk përmenden as populli serb dhe as përgjegjësia kolektive.