Pas takimit me Presidentin Biden, Osmani: SHBA, mbështetje të palëkundur për Kosovën!

Presidenti Biden shprehu mbështetjen e tij të palëkundur për Kosovën, shprehet Presidentja Vjosa Osmani pas takimit që zhvilloi me Presidentin e Shteteve të Bashkuara me të përfunduar funerali shtetëror i Mbretëreshës Elizabeth II.

“Nder i veçantë të bisedoja me Presidentin Biden sot pas Funeralit Shtetëror të Mbretëreshës Elizabeth II,” shprehet përmes rrjetit social Facebook, Vjosa Osmani, pas takimit me Presidentin e SHBA duke përfunduar:

“Presidenti Biden shprehu mbështetjen e tij të palëkundur për vendin tonë dhe në emër të popullit të Kosovës i shpreha mirënjohjen dhe përkushtimin tonë për partneritetin e palëkundur në mes të Kosovës dhe SHBA-ve.”

Pas pjesëmarrjes në funeralin shtetëror të Mbretëreshës Elizabeth II, Presidentja e Kosovës, Vjosa Osmani, ka vazhduar rrugën drejt New Yorkut ku do të marrë pjesë në pritjen zyrtare që organizon Presidenti i SHBA, Joe Biden, me liderë botëror në kuadër të Asamblesë së Përgjithshme të Kombeve të Bashkuara.