Pas takimit me zyrtarin e CDU, Berisha: Mashtrimet e Edi Ramës për integrimin kanë marrë fund! 

Mashtrimet kanë marrë fund dhe janë kuptuar se ishin mashtrime të lobuara, të paguara nga Edi Rama, tha Kryetari i Partisë Demokratike, Sali Berisha, pas takimit me Këshilltarin për politikën e jashtme dhe të sigurisë pranë grupit parlamentar CDU/CSU në Bundestag, Dr.Christian Forneck, ku u diskutua për zhvillimet në Shqipëri, shndërrimin e procesit zgjedhor në farsë elektorale nga Kryeministri Edi Rama, si dhe përqendrimin e të gjitha pushteteve në duart e një njeriu.

“Ne jemi të përqendruar që me miqtë tanë të vërtetë të procesit të integrimit, të kontribuojnë, të ndihmojnë që ky proces të jetë proces i bazuar në funksionimin e shtetit ligjor, funksionimin e ekonomisë së tregut, që është dhe interesi absolut më i mirë i shqiptarëve.

Akuzat absurde të Edi Ramës se ne po e denoncojmë këtu apo atje, dhe unë u them dhe atyre pak individëve që e mbështesin. Nacionalizmi mafioz, nacionalizmi i mafies është strofulla e mafiozëve dhe s’ka asgjë të përbashkët me interesat patriotike, atdhetare të qytetarëve.,” tha Sali Berisha duke theksuar se opozita synon të intensifikojë bashkëpunimin me partnerët ndërkombëtarë, veçanërisht me Gjermaninë, për të garantuar që procesi i integrimit të Shqipërisë në Bashkimin Europian të mbetet i bazuar në shtetin ligjor, funksionimin e institucioneve dhe ekonominë e tregut.

“Ramë dakord që të intensifikojmë bashkëpunimin në interesin më të mirë të procesit të integrimit të Shqipërisë në BE, i cili, theksoj edhe njëherë, duhet të jetë një proces i bazuar në meritë, sepse vetëm një proces i bazuar në meritë është interesi absolut i qytetarëve shqiptarë.”

Kryetari i Partisë Demokratike edhe pas këtij takimi është i bindur se ky është interesi absolut më i mirë i qytetarëve të BE:

“Një Shqipëri, epiqendër operacionale e organizatave kriminale të rajonit, të Europës dhe të botës, siç cilësohet në disa raporte të Departamentit të Shtetit, është një rrezik real për paqen, sigurinë në Shqipëri, rajon e me gjerë.

Ndaj dhe kushtet, për mendimin tim, se jemi dakord me miqtë, duhet të jetë një proces i bazuar në meritë, çka ekzistojnë të gjitha mundësitë, por jo me Edi Ramën,” tha Kryetari i Partisë Demokratike, Sali Berisha, duke përfunduar:

“Edi Rama është udhëheqës kryesor i klaneve të drogës në Shqipëri.”

Deklaratë:

Zyrtarët e Bundestagut janë miq të shkëlqyer të cilët i kanë dhënë një ndihmë të çmuar në opozitë dhe në qeveri, në kohëra të mira dhe në kohëra të vështira, Partisë Demokratike.

Diskutuam gjerësisht për këtë bashkëpunim dhe e njoha mikun e çmuar me të gjitha zhvillimet në Shqipëri.

Me shndërrimin e procesit zgjedhor në farsë elektorale nga Edi Rama, në përqendrimin e të gjitha pushteteve në duart e një njeriu.

Në rolin e jashtëzakonshëm të drogës ku informova në Shqipëri, në dallim nga Gjeorgjia dhe Bjellorusia, nuk është rusi Big Brother, siç është atje, por Big Brother këtu është droga, dhe Big Brother janë klanet e drogës të lidhura me kreun e Meduzës, që është Edi Rama.

Ramë dakord që të intensifikojmë bashkëpunimin në interesin më të mirë të procesit të integrimit të Shqipërisë në BE, i cili, theksoj edhe njëherë, duhet të jetë një proces i bazuar në meritë, sepse vetëm një proces i bazuar në meritë është interesi absolut i qytetarëve shqiptarë.

Është interesi absolut më i mirë i qytetarëve të BE.

Një Shqipëri, epiqendër operacionale e organizatave kriminale të rajonit, të Europës dhe të botës, siç cilësohet në disa raporte të Departamentit të Shtetit, është një rrezik real për paqen, sigurinë në Shqipëri, rajon e me gjerë.

Ndaj dhe kushtet, për mendimin tim, se jemi dakord me miqtë, duhet të jetë një proces i bazuar në meritë, çka ekzistojnë të gjitha mundësitë, por jo me Edi Ramën.

Edi Rama është udhëheqës kryesor i klaneve të drogës në Shqipëri.