Pas tetë javësh, bursat evropiane para humbjes së parë

Në bursat evropiane sot çmimet e aksioneve kanë ra duke shënuar humbjen e parë pas tetë javësh, derisa investitorët po presin lajme që mund të ndikojnë në drejtimin e tregut.

Indexi STOXX 600 i aksioneve kryesore evropiane në orën 9:30 ishte në minus 0.5 për qind, dhe është në rrugë për shënuar humbje në këtë javë me 0.8 për qind.

Në mëngjes indeksi londinez FTSE ka rënë për 0.53 për qind, në 7.680 pikë, derisa ai i Frankfurtit DAX 0.52 për qind, në 16.530 pikë, ndërkohë ai parisien CAC ra 0.68 për qind, në 7.399 pikë.

Investitorët janë të kujdesshëm në prag të Raportit të Eurostat për inflacionin në eurozonë për muajin dhjetor, që mund të ndikoj në drejtimin e tregut. Këtu, gjithashtu mund të ndikoj edhe Raporti i autoriteteve amerikane mbi punësimin dhe rritjen e pagave në SHBA për muajin dhjetor, që pritet të publikohet sot në orët e pasditës.

Analistët për Agjencinë britanike të lajmeve Reuters vlerësojnë se numri i të punësuarëve është rritur për 170 mijë, nga 199 mijë sa ishte në muajin nëntor. Ndërkohë që po spekulohet se Fed do të ulë normën e interesit në gjashtë raste duke filluar nga muaji mars, por vlerësimet e liderëve të bankës qendrore amerikane nga mbledhja e fundit tregojnë se norma e interesit mund të ulet gjatë këtij viti vetëm tre herë. Dhe, pas publikimit të proçesverbalit të kësaj mbledhje, nuk është e qartë se kur do të bëhet edhe ulja.

Në tregun e parave, gjatë ditëve të fundit u vlerësua se ekziston mundësia deri në 70 për qind që Fed do të filloj që në muajin mars me uljen e normës së interesit, por, pas publikimit të proçesverbalit të Fed këto parashikime janë ulur shumë poshtë 70 përqindshit.