PD akuzon Xhafajt/ Deputeti i PD dëshmon tek Krimet e Rënda
Deputeti i Partisë Demokratike, Ervin Salianji është paraqitur për të dëshmuar në Prokurorinë e Krimeve të Rënda për akuzat që PD ka bërë për vëllain e Ministrit të Brendshëm, Fatmir Xhafaj.
Dje u bë publik fakti se Prokuroria e Krimeve të Rënda kishte thirrur për të dëshmuar deputetin e PD. Fletëthirrja e Prokurorisë është firmosur nga prokurorët Gentian Osmani dhe Përparim Kulluri.
Ndryshe, pas publikimit nga mediat të thirrjes së Prokurorisë së Krimeve të Rënda, Salianji u shpreh nse ishte gati që të dëshmonte për t’i shkuar deri në fund të vërtetës.
