PD kërkon transparencë për kufirin detar, Edi Rama bënë analizën e shitjes së djathit, sapunit…
Vajmedet, Lul, sapun, djath, shitje! Ky është bagazhi i fjalëve që përdor Edi Rama pas 7 vjetëve në qeverisje edhe kur i përgjigjet Partisë Demokratike që i kërkon transparencë Kryeministrit për kufirin detar ndërsa e sqaron në detaje të mos abuzoj me të drejtën ndërkombëtare.
Por kot nuk quhet Edi Rama, ja sii përgjigjet kërkesës për transparencë:
“Hapu det se vajmedet ka dalë të të mbrojë Lulzimi me PD! Të qash për ata që vazhdojnë e hanë për djathë sapunin e PD apo të qeshësh me këtë Artist që s’e ka shokun për të bërë sikur?” thekson Edi Rama përmes rrjetit social Twitter duke folur me gjuhën që i drejtohet militantëve të kuq në Facebook që i sqaron duke i fyer ndërsa përfundon:
“Je i madh Lul, sinqerisht, shyqyr s’u more me shitje djathi se do kishim mbetur pa copën e sapunit!”
Hapu det se vajmedet vërtetë por për popullin shqiptar që ka një Kryeministër të këtij niveli!
Pas deklaratave të kryeministrit grek, Kyriakos Mitsotakis, i cili tha se Greqia do të shtrihet me 12 milje në ujërat shqiptare, dhe Kryeministrit Edi Rama që i jep të drejtë palës greke për kufirin me detin duke u bazuar në të drejtën ndërkombëtare, ka reaguar ashpër Partia Demokratike duke e bërë të qartë se mbështet zgjidhjen e çdo çështje të mbetur pezull në marrëdhëniet me fqinjët përmes negociatave transparente duke respektuar të drejtën ndërkombëtare dhe vendimin e Gjykatës Kushtetuese të vitit 2010, por në asnjë mënyrë duke cënuar të drejtat dhe integritetin territorial të Shqipërisë.
Duke i bërë thirrje qeverisë Rama të ndalë fushatën e sulmeve dhe gjuhën denigruese, Partia Demokratike i kërkoj Kryeministrit Edi Rama të bëjë transparencë të plotë mbi të gjitha çështjet ndërsa i renditi ato bazuar në të drejtën ndërkombëtare.
