Dërdëllitjet prej rrugaçi, Basha: Edi Rama bëj transparencë, historitë me sapun ruaji…

Dërdëllitje prej rrugaçi, e ka quajtur Kryetari i PD, Lulzim Basha, përgjigjen që Kryeministri Rama i dha Partisë Demokratike pasi ajo i kërkoj transparencë për kufirin detar me Greqinë ndërsa i kërkoi sërish Edi Ramës të bëj transparencë çfarë po ndodh me negociatat për detin.

“Leri dërdëllitjet prej rrugaçi Edi Rama. Bëj transparencë çfarë po ndodh me negociatat për detin. Historitë me sapun ruaji se do të duhen më vonë,” tha Lulzim Basha në reagimin e tij përmes rrjetit social Twitter.

Pas kërkesës për transparencë lidhur me kufirin detar që kërkoi Partia Demokratike Kryeministri Edi Rama reagoi duke u shprehur:

“Hapu det se vajmedet ka dalë të të mbrojë Lulzimi me PD!”

Nuk vonoi shumë dhe Kryeministri Rama u përgjigj:

“Negociatat Lulëzim janë ndalur prej kohësh,që pas ndryshimit të qeverive në Greqi! S’ka asnjë të re nga ai front, përveç dallgëve të ligësisë e padijes! Po ti mos bëj sikur nxehesh,se s’ta kam unë fajin kur bën sikur s’je ti që e firmose atë marrëveshjen e famshme që rrëzoi GJK!”

Por Kryetari PD, Lulzim Basha sërish i kërkoi Kryeministrit Edi Rama asgjë më shumë se transparencë.

“Po ta përsëris Edi Rama, bëj transparencë e mos u fshih pas gërrvërreve bajate. As servilët e fundit që të kanë mbetur nuk qeshin me to. Nuk je thjesht i lagur, je i mbytur në detin e marrëveshjeve të fshehta në kurriz të shqiptarëve.”