Pentagoni, ushtria ruse po vuan nga rënia e moralit dhe përparimi i ngadaltë

Zyrtarët amerikanë të mbrojtjes theksojnë se operacioni rus po zhvillohet shumë më ngadalë se sa ishte planifikuar dhe tani po përballet me mungesë furnizimi shoqëruar me rënie morali.

Pentagoni thekson se forcat ruse ende nuk e kanë marrë kontrollin e hapësirës ajrore ukrainase edhe pas gjashtë ditësh madje nuk kanë marrë as pikat kyçe, siç janë, qyteti i dytë në vend, Harkov dhe porti jugor Mariupol.

“Në shumë raste, atë që shohim janë autokolonat që thuhet se kanë mbetur pa karburant,” tha njëri prej zyrtarëve, raporton Agjencia e lajmeve AFP.

“Tani ka filluar ti mungoj ushqimi për forcat e tyre.”

Zyrtari amerikan i mbrojtjes gjithashtu tha se ka shenja edhe të problemeve morale tek forcat ruse, që kanë përdor numër të madh të rekrutëve

“Tani është e qartë se jo të gjithë ushtarët ishin plotësisht të aftësuar, ose të ndërgjegjshëm se do të dërgohen në operacion lufte. Në pjesën më të madhe bëhet fjalë për djem të rinjë, të sapo angazhuar , nuk e kishin idenë se do ti dërgojnë në luftë,” shton një zyrtar i Pentagonit.