Përdhunuesi Rraja kërcënon/ Reagimi, Basha: Rexhepi e di mirë se kur vjedh zgjedhjet je zot që mund të përdhunosh, të vrasësh…

Rexhepi e di mirë se kur vjedh zgjedhjet je zot që mund të bësh çfarë të duash, të grabisësh të përdhunosh të vrasësh. Kështu reagon kryetari i Partisë Demokratike, Lulzim Basha pas kërcënimit që i bëri përdhunuesi Rexhep Rraja, duke shtuar se para se të kthehej në përdhunues dhe torturues vajzash, Rexhepi ishte dhunues zgjedhjesh.

“Ishte denoncimi dhe presioni i shoqërisë dhe opozitës që e çuan Rexhepin në sallën e gjyqit. Prandaj Rexhepi është i habitur që ndodhet atje dhe kërcënon se do hakmerret kundër opozitës duke i vjedhur prapë zgjedhjet,” thekson Lulzim Basha duke mos mohuar se përdhunuesi Rexhep Rraja e din rëndësinë që kanë zgjedhjet dhe vjedhja e tyre, sepse ishte pikërisht ai dhe kriminelët e tjerë sollën në pushtet Edi Ramën.

Kjo është arsyeja, tha kryetari i Partisë Demokratike, Lulzim Basha, që pushteti i Edi Ramës e mbrojti atë nga dalja para drejtësisë për vjedhjen e votave ndërsa përfundon:

“Që Rexhepi të mos dhunojë më, duhet që Edi Rama të mos ketë më pushtet!”

Ndryshe, përdhunuesi Rexhep Rraja i cili edhe pse në pranga, duke e konsideruar kryetarin e Partisë Demokratike, Lulzim Basha si fajtor pse ai është i arrestuar dhe jo veprimet e tij kriminale, kërcënon Bashën:

“Do ta shohësh në zgjedhje!”

Deklarata e plotë:

Para se të kthehej në përdhunues dhe torturues vajzash, Rexhep Rraja ishte dhunues zgjedhjesh. Rexhep Rraja dhe kriminelët e tjerë sollën në pushtet Edi Ramën, dhe pushteti i Edi Ramës e mbrojti atë nga dalja para drejtësisë për vjedhjen e votave. Pushteti që i ati dhe Edi Rama mbajnë me votat e vjedhura, e mbrojtën Rexhepin edhe kur përdhunoi.

Ishte denoncimi dhe presioni i shoqërisë dhe opozitës që e çuan Rexhepin në sallën e gjyqit. Prandaj Rexhepi është i habitur që ndodhet atje dhe kërcënon se do hakmerret kundër opozitës duke i vjedhur prapë zgjedhjet. Sepse Rexhepi e di mirë se kur vjedh zgjedhjet je zot që mund të bësh çfarë të duash, të grabisësh të përdhunosh të vrasësh. Që Rexhepi të mos dhunojë më, duhet që Edi Rama të mos ketë më pushtet!