Përgjimet/ Krenohuni me Elsa Lilën por ja si e udhëzonte bandën e drogës: Edhe këtu si në Shqipëri duhet një lidhje me shtetin!

Një ditë pasi këngëtarja shqiptare Elsa Lila u arrestua në Itali si pjesë e një rrjeti të trafikut të drogës, dhe ku militantët socialist shpërthyen në mbështetje të pjesëtares së grevës urisë për mbrojtjen e votës së Edi Ramës, mediat italiane kanë bërë publike disa përgjime ku konfirmohet implikimi i këngëtares me të cilën krenohen rilindasit.

Nga përgjimet shihet qartë se Elsa Lila menaxhon lëvizjet e trafikantëve ndërsa mbante dhe “kutinë e babagjyshit”, duke nënkuptuar këtu arkën me para që fitohej nga rrjeti i trafikantëve të drogës.

“Shko, shko atje, ndërro vend”, mësohet ti ketë thënë Lila një trafikanti. Më shumë se sa policëve, Lila i frikësohej hajdutëve, që sipas saj mund t’i vidhnin kasafortën me para, produkt të trafikut të drogës.

Grupi përdorte celularë të koduar për të mos u përgjuar. Numri i personave të përfshirë dyshohet se ka qenë më i lartë, pasi në një dëshmi të personave të përfshirë thuhet se: “Nëse ‘kutia’ hapet, do duhet të bëjnë një burg të ri në Romë!”.

Dhe pikërisht për policinë dhe për mundësinë e ryshfeteve, raporton BW, këngëtarja i ka të qarta idetë: “Nuk më vjen njeri nga shteti për të më kontrolluar, më njohin, kam marrëdhënie të shkëlqyera”.

Në një rast “më dhanë një gjobë por më thanë të mos e paguaja sepse nuk do ta kontrollonin”. Sepse këtu “si në Shqipëri duhet një mik/lidhje me shtetin, se çfarëdo qeverie të jesh do të shpëtosh, duhet të gjesh një rrugë pasi edhe këtu shiten kaq shumë,” tha Lila dëgjohet në përgjime.

Ndryshe, përveç Elsa Lilës, në pranga përfunduan edhe 7 persona të tjerë, përfshirë boksierin Petrit Bardhi, i njohur si “Titi”. Ndërkohë, raporton BW, shefii i bandës, është ende në kërkim nga autoritetet italiane.