Përgjimi/ I kallëzoi penalisht, ja reagimi i Alibeaj ndaj Xhafajt

Enkelejd Alibeaj ka reaguar mbrëmjen e sotme lidhur me lajmin se Agron Xhafaj, vëllai i ministrit të Brendshëm, Fatmir Xhafaj, ka depozituar në prokurori një kallzim penal ndaj 3 zyrtarëve të PD-së, dy prej të cilëve deputetë dhe një ish-ministër i Drejtësisë.

“Nëse Agron Xhafaj ka shkuar në Prokurori dhe ka bërë kallzim penal, atëherë oficeri i parë i policisë gjyqësore, do t’i duhet ti kërkonte të nxirrte duart përpara dhe ta arrestonte”, tha Alibeaj.

Deputeti i PD-së tha se opozita ka bërë detyrën e saj ndaj qytetarëve shqiptarë duke i treguar provat dhe faktet.  

“S’kemi bërë gjë tjetër, vetëm detyrën tonë si opozitarë për transparencë për publikun. Është detyrim jo vetëm i yni por i gjithë qytetarëve. Së dyti, Agron Xhfaj, i dënuar në Itali me vendim të formës së prerë, troket në derën e Prokorirusë, e Prokuroria nuk i vë prangat. Kjo është absurde. Nëse ka shkuar në Prokurori do duhej të arrestohej,” tha Alibeaj.