Përkeqësimi i motit, Autoriteti Portual: Dy tragete do të nisen nga Durrësi 3 orë më herët

Autoriteti Portual Durrës ka njoftuar sot se për shkak të përkeqësimit të motit që do të përfshijë Detin Adriatik, dy tragete do të nisen 3 orë më herët.

Ndërkohë Autoriteti italian ka njoftuar mbylljen e përkohshme të Portit të Barit ditën e nesërme dhe për rrjedhojë do të reflektohet edhe në ndryshime apo anulime të përkohshme të lundrimeve të planifikuara nga Porti i Durrësit.

NJOFTIM I RËNDËSISHËM PËR UDHËTARËT‼️

-Njoftojmë të gjithë udhëtarët që kanë rezervuar lundrimin e tyre mbrëmjen e sotme nga Porti i Durrësit drejt Portit të Barit, me tragetin “AF MARINA” dhe “RIGEL VII”, se për shkak të situatës së motit, i cili pritet të përfshijë rajonin e Adriatikut, nisja sotme do të bëhet në orën 19:00 dhe jo në orën 22:00 sipas parashikimit.

-Kërkojmë mirëkuptimin e udhëtarëve të cilët duhet të paraqiten më herët në Portin e Durrësit për të kryer në kohë procedurat e imbarkimit.

-Përkatësisht, imbarkimi do të fillojë në orën 16:00 për kamionët dhe në orën 17:00 për pasagjerët.

-Autoritetet italiane kanë njoftuar mbylljen e përkohshme të Portit të Barit ditën e nesërme, dt. 22.02.2022 dhe për rrjedhojë do të reflektohet edhe në ndryshime apo anulime të përkohshme të lundrimeve të planifikuara nga Porti i Durrësit.

-Ju lutem, për çdo sqarim, adresohuni pranë kompanive të lundrimeve ose në adresën tonë zyrtare, www.durresport.al
#Autoriteti_Portual_Durrës⚓️