Përplasja me armë në Tiranë, plagosen 3 persona/ Policia jep detajet…

Policia e Tiranës ka dhënë detaje lidhur me ngjarjen e ndodhur mbrëmjen e djeshme në Tiranë, ku si pasojë e një konflikti u plagosën 3 persona.

Konflikti me armë i nisur mes dy grupesh rivale në një lokal bastesh, ka vazhduar në rrugën “Aleksandër Moisiu”, duke lënë në vendngjarje rreth 20 gëzhoja.

Sipas policisë të plagosurit janë: I.D 28 vjeç, R.M 36 vjeç dhe J.M 24 vjeç.

Nuk dihen shkaqet që kanë sjelle përplasjen me armë, por policia njofton se po punohet për kapjen e autorëve.

Burime nga policia kanë thënë për mediat se motivi i kësaj ngjarje lidhet me tregun e narkotikëve, dhe përplasja ka ndodhur mes 2 grupeve rivale për teritorret e shitjes.

Njoftimi i policisë

Më datë 28.06.2018, rreth orës 23:54 në rrugën “Aleksandër Moisiu”, kanë mbetur të plagosur me armë zjarri nga persona ende të paidentifikuar, shtetasit J. M., 24 vjeç, R. M., 36 vjeç dhe I. D., 28 vjeç.

Shtetasit e dëmtuar aktualisht ndodhen në spital ku po marrin ndihmë mjekësore (dy nga të dëmtuarit ndodhen jashtë rrezikut për jetën, ndërsa një në gjëndje më të rëndë shëndetësore).

Po punohet identifikimin dhe kapjen e autorëve dhe për zbardhjen e shkakut dhe rrethanave të ngjarjes.