Përplasje me armë zjarri, humbin jetën në spital dy kushërinjtë

Një ngjarje e rëndë ka ndodhur mbrëmjen e sotme në Laç, ku dy persona kanë humbur jetën pas një përplasje me armë zjarri të ndodhur në qendër të qytetit.

Viktimë kanë mbetur Mikel Jushi 35-vjeç dhe Jani Jushi, 30-vjeç. Dy kushërinjtë të u dërguan në një  spital privat në Tiranë, por nuk arritën t’i mbijetonin plagëve të marra.

35-vjeçari, Mikel Jushi ishte pronari i një lokali në zonë, ndërsa 30-vjeçari Jani Jushi ishte djali i xhaxhait të tij.

Nuk dihet ende arsyeja e përplasjes me armë, ndërsa policia ka ngritur pika kontrolli në qytet për të bërë të mundur kapjen e autorëve.