Pesë makina aksidentohen në Unazën e Madhe, bllokohet qarkullimi
Një aksident ku janë përfshirë pesë makina është regjistruar në Unazën e Madhe në Tiranë, duke shkaktuar dëme të konsiderueshme materiale dhe bllokim të qarkullimit.
Në këtë përplasje zinxhir nuk raportohet për persona të lënduar, por vetëm për dëme materiale.
Përplasja ka sjellë vështirësi në qarkullimin e mjeteve në këtë segment të Unazës së Madhe, duke krijuar radhë dhe trafik. Ndërkohë, priten të sqarohen rrethanat dhe shkaqet e aksidentit.
