“Pezulloni vizat për Shqipërinë”/ Sqarim, Ambasada e Holandës: Vendos KE!
Pas kërkesës së Qeverisë së Hollandës drejtuar Komisionit Europian sot për pezullimin e vizave për Shqipërinë, për shkak të shqetësimeve në lidhje me krimin e organizuar, Ambasada e Holandës në Tiranë sqaron se Komisioni Europian është ai që do të vlerësojë nëse do të ketë nevojë për të ndërmarrë një veprim të tillë.
“Në këtë letër, Komisionit i kërkohet të shqyrtojë informacionin e dërguar nga Hollanda dhe në konsultim me vendet anëtare të vendosë në lidhje me nevojën për të vepruar. Komisioni Europian do të vlerësojë nëse do të ketë nevojë për të ndërmarrë veprim. Komisoni do të informojë Parlamentin Europian dhe Këshillin Europian mbi rezultatet e këtij vlerësimi,” thekson Ambasada e Hollandës duke shtuar se deri në një njoftim tjetër, politika e vizave për nënshtetasit shqiptarë do të mbetet e njëjtë: qytetarët shqiptarë mbajtës të një pashaporte biometrike nuk kanë nevojë për viza për të udhëtuar në zonën Shengen për maksimumi 90 ditë brenda një periudhe prej 180 ditësh.
Ndryshe, pas kërkesës që Parlamenti i Hollandësez i bëri Qeverisë për aktivizimin e mekanzimit të pezullimit të vizave për Shqipërinë për shkak të shqetësimeve në lidhje me krimin e organizuar, sot, Qeveria hollandeze përmes letrës drejtuar Komisionerit për migrimin dhe punët e brendshme pranë BE, Dimitris Avramopulos, i kërkoi Komisionit Europian të pezullojë vizat për shtetasit shqiptarë.
Reagimi i Ambasadës
Parlamenti Hollandez i kërkoi Qeverisë hollandeze në datën 16 Prill të aktivizonte mekanzimin e pezullimit të vizave për Shqipërinë për shkak të shqetësimeve në lidhje me krimin e organizuar.
Për ta ekzekutuar këtë mocion, qeveria Hollandeze i dërgoi një letër njoftuese Komisionit Europian në datën 31 Maj.
Në këtë letër, Komisionit i kërkohet të shqyrtojë informacionin e dërguar nga Hollanda dhe në konsultim me vendet anëtare të vendosë në lidhje me nevojën për të vepruar.
Hollanda e vlerëson bashkëpunimin konstruktiv dhe të vazhdueshëm me qeverinë dhe autoritetet shqiptare në luftën kundër krimit të organizuar. Të dyja vendet po punojnë në fuqizimin e mëtejshëm të këtij bashkëpunimi.
Në vijim të letrës njoftuese, Komisioni Europian do të vlerësojë nëse do të ketë nevojë për të ndërmarrë veprim. Komisoni do të informojë Parlamentin Europian dhe Këshillin Europian mbi rezultatet e këtij vlerësimi.
Deri në një njoftim tjetër, politika e vizave për nënshtetasit shqiptarë do të mbetet e njëjtë: qytetarët shqiptarë mbajtës të një pashaporte biometrike nuk kanë nevojë për viza për të udhëtuar në zonën Shengen për maksimumi 90 ditë brenda një periudhe prej 180 ditësh.
