Video/ Vrasja e ish-policit Arben Bilali, arrestohet Gjergj Cukali

Policia e Tiranës ka zbardhur vrasjen e Ish-policit, 50-vjeçarit Arben Bilali në Tiranë, duke vënë në pranga autorin e vrasjes, 40-vjeçarin, Gjergj Cukali.

“Policia e Tiranës, pas një pune të mirëorgranizuar në bashkëpunim me Prokurorinë, kanë bërë zbardhjen dhe dokumentimin me prova ligjore të ngjarjes së ndodhur në datën  30.01.2019, ku në rrugën “Isuf Banka”, në Tiranë, mbeti i vrarë 50-vjeçari Arben Bilali,” njofton policia duke shtuar se bazuar mbi provat e grumbulluara Policia e Tiranës organizoi operacionin duke e finalizuar me vënien në pranga të autorit të dyshuar Gjergj Cukali 40 vjeç.

Ndryshe, Ish-polici Arben Bilali është qëlluar për vdekje me armë zjarri në zonën e Selitës në Tiranë, më 30 janar të 2019. Për shkak të plagëve të marra ish-efektivi i policisë nuk arriti të mbijetonte edhe pse ndihma mjekësore iu dha në kohë rekord.

Ngjarja dyshohet për motive hakmarrje. Kjo pasi familja e Bilalit ka qenë në konflikt me dy familje të tjera në kryeqytet, përplasje të cilat kanë prodhuar disa të vrarë. Mes të cilëve edhe dy vëllezër të Bilalit të ekzekutuar në 1997 dhe 2010 në po të njëjtën zonë, atë të Selitës, ku u qëllua edhe ish-oficeri i policisë.