Policia arreston personin që vrau 11 vjeçarin holandez para 20 vjetëve
I dyshuari për vrasjen e të riut holandez para njëzetë viteve u arrestua në Spanjë, bënë të ditur policia holandeze.
Nicky Verstappen, 11 vjeç, u zhdukë në një kamp, mbrëmjen e 9 gushtit duke u gdhirë 10 gushti i vitit 1998 në krahinën Limburg, në jug të Holandës. Ky kamp veror mbahej në Brunssummerheide, afër kufirit me Gjermaninë. Trupi i pajetë i 11 vjeçarit, i cili ishte përdhunuar para se të vritej, u zbulua mbrëmjen e 11 gushtit të vitit 1998.
55 vjeçari i dyshuar, Josa Brecha, përherë të fundit është parë në Francë. Punonte me vëzhguesit si ekspert për mbijetesë, e në verilindje të Francës ka një shtëpizë.
Të mërkurën, hetuesit bënë të ditur se kanë gjetur të dyshuarin për të cilin mediat lokale e identifikuan si Josa Brecha.
“Jos B. 55 vjeç, i dyshuar për vrasjen e Nicky Verstappen, u arrestua pasditen e së dielës në Spanjë dhe pritet të ekstradohet në Holandë,” ka bërë të ditur policia në Limburg.
Josa Brecha, me prejardhje është nga Simpelveldi i Holandës. Pas vrasjes, policia kishte kryer një hetim të detajuar e cila ishte raportuar me kujdes nga mediat por vrasësi kurrë nuk është gjetur.
Në shkurtin e këtij viti, policia në Limburg filloi një kërkim të madh duke u bazuar në analizat ADN-së, një kërkim që nuk ishte parë ndonjë herë në Holandë.
“Në përpjekjen e fundit për të marrë përgjigje se kush la gjurmë në rrobat e fëmijëve, janë marrë kampionet e AND-së të shumë njerëzve,” kishte sqaruar policia holandeze. Ajo kishte ftuar 21.500 meshkuj të moshave 15- 75 vjeç për të dhënë kampione në gjashtë pika dhe saktësoi se ata nuk janë të dyshuar por po punohet që të zbulohet “nëse personi që jep kampionin është anëtar i familjes i atij që ka lënë gjurmë në vendin ku është gjetur Nicky i vrarë.”
Duke kontrolluar shtëpizën e tij në Vogez, policia ka zbuluar gjurmët e AND-së në gjërat e tij personale që korrespondonin me ato të 11 vjeçarit të vrarë.
Në muajin maj, familja e tij tha se është zhdukur, por i dyshuari është arrestuar pasi “një dëshmitar e identifikoi duke u bazuar në fotografinë e cila ishte publikuar në media,” theksuan hetuesit duke falënderuar policinë spanjolle “për bashkëpunim të shkëlqyer “.
