Policia e Shqipërisë dhe Kosovës, prej nesër kontrolle të përbashkëta

Duke filluar nga dita e dielë, 1 korrik 2018, Policia e Kosovës dhe ajo e Shqipërisë do të fillojnë kontrollet e përbashkëta për këtë sezon turistik.

Kjo u bë e ditur nga Policia e Kosovës ku ndër të tjera tregohet se turni i parë i zyrtarëve policor të Policisë së Kosovës, përkatësisht të Njësive Rajonale të Komunikacionit Rrugor dhe Njësisë për Kontroll të Autostradave, do të udhëtojnë drejtë Republikës së Shqipërisë për të filluar patrullimet e përbashkëta.

“Fillimit të patrullimeve të përbashkëta do ti paraprijë takimi i cili do të mbahet nesër në ora 10:00 në Pikën e Kalimit Kufitar Vërmice, nga ku pastaj së bashku me autoritetet e Policisë së Shtetit Shqiptar zyrtarët policor do të vazhdojnë për në Republikën e Shqipërisë, për detyrën konkrete sipas memorandumit të bashkëpunimit”, thekson Policia e Kosovës.