Policia gjermane sekuestron 105 kg marjuanë, arrestohen 6 shqiptarë

Policia gjermane ka sekuestruar një sasi prej 105 kg marijuanë në Drezden dhe në Hanover duke çuar në pranga 6 shqiptarë të moshave nga 19 deri në 32 vjeç.

“Bild” shkruan se droga kap shifrën e 900 mijë eurove në tregun me pakicë.

Prokuroria e Hannoverit bëri të ditur se ka zhvilluar kontrolle në 7 ambiente të ndryshme.

Pasi policët arrestuan fillimisht gjashtë persona në dhe rreth banesave, ata gjetën një sasi prej 105 kilogramë marihuanë në një apartament në Laatzen, duke e konfiskuar atë.

Përveç kësaj, hetuesit sekuestruan telefona të ndryshëm celularë, karta sim, një shkop, disa thika, 12,000 euro dhe 65 gram kokainë.

Për të dyshuarit meshkuj (32, 23, 21, 20, 20 dhe 19 vjeç), do të vendoset  masa e sigurisë nga gjykata, ndërsa ndaj 23 vjeçarit kishte një urdhër dëbimi.

“Bild” shkruan se droga ishte e vendosur në kuti të mëdha kartoni në mes të apartamenteve, ndërsa tregtarët nuk u shqetësuan shumë për ta fshehur atë.

Operacioni për arrestimin e tyre u zhvillua pas disa javë hetimesh.