Policia Ushtarake, fituese e garës tradicionale “Ujku Garues”
Policia Ushtarake është fituese e garës tradicionale “Ujku Garues” e cila u zhvillua në ambientet e kazermës “Ushtarët e NATO-s” në Istog.
“Pjesëmarrësit në garë treguan përgatitje të lartë fizike, disiplinë entuziazëm dhe përkushtim dhe u certifikuan për pjesëmarrje ne këtë aktivitet. Garën e ka fituar Policia Ushtarake dhe është shpërblyer me vendin e parë. Vendi i dytë i takoi Kompanisë B të Regjimentit të Dytë të Këmbësorisë, dhe vendi i tretë shkoi për Kompaninë Mbështetëse të Regjimentit të Këmbësorisë,” bënë të ditur Forca e Sigurisë së Kosovës, FSK, përmes një njoftimi në rrjetin social Facebook për garën tradicionale “Ujku Garues” që realizohet nga Komanda e Forcave Tokësore, KFT.
Ndryshe, këtë vit pjesëmarrës në garë ishin 14 ekipe nga regjimentet e KFT-së , 3 ekipe nga njësitë e FSK-së, Garda Kombëtare, Policia Ushtarake dhe Komanda e Logjistikës.
