Poloni-Shqipëri, Kombëtarja nuk tradhton traditën: Zhgënjen!

Kombëtarja jonë në sfidën me Poloninë të vlefshme për eliminatoret e Botërorit “Katar 2022” nuk tradhtoi traditën as në stadiumin “PGE Narodowy”, ku zhgënjeu me plotë devotshmëri.

Fillimisht Polonia kaloi në avantazh kur Lewandowski, pas një goditje me kokë në minutën e 12’. Avantazhi i Polonisë zgjati vetëm 12 minuta, pasi Sokol Cikalleshi, pasi ka marrë një top brenda zone, u kthye dhe goditi pa u menduar, duke mposhtur Szczesny, i vendosur keq dhe jo pa faj. Por në minutën e 44’ vjen goli i dytë i vendasve, me autor Buksa.

Përfundimi i pjesës së parë ndonëse me avantazh 2:1 për Poloninë ishte shpresëdhënës. Kuqezinjtë hidhen menjëherë në sulm në pjesën e dytë, por polakët ndëshkojnë në minutën e 50-të me anë të një kundërsulmi. Lewandowski bën gjithçka mirë në krah dhe në fund pason për Krychowiak, i cili nuk fal afër portës. Reja feskon sulmin, por në fund janë sërish vendasit që shënojnë me Linetty duke mbyll me 4-1 fitoren e Polonisë.

Poloni – Shqipëri 4:1

Levandovski 12′ , Buksa 44′, Krishoviak 54′, Lineti 89′   / Cikalleshi 25′ 

Formacioni i Polonisë: Shezni, Berezinski, Glik, Bednarek, Ribus, Krishoviak, Moder, Frankovski, Buksa, Jozuaik, Levandovski. Trajner: Paulo Soza. 

Formacioni i Shqipërisë: Berisha, Gjimshiti, Kumbulla, Ismajli, Hysaj, Trashi, Abrashi, Gjasula, Bare, Manaj, Cikalleshi. Trajneri: Edi Reja.