Dardanët u kthehen fitoreve, mposhtin Gjeorgjinë

Përfaqësuesja e Kosovës e ka mposhtur sonte Gjeorgjinë, me rezultat 0-1 në “Batumi Arena” në kuadër të kualifikueseve për Kupën e Botës Katar 2022.

Dardanët ndonëse pa disa lojtarë titullar për shkak të COVID-19 dhe lëndimeve, përballë Gjeorgjisë shfaqën performancë mjaft të mirë, madje, me lojën që treguan rezultatet e krijuara, fitorja ka mundur të jetë më thellë.

Goli i fitores për Dardanët erdhi në pjesën e parë përmes autogolit te mbrojtësit Davit Khocholava në minutën e 18’, rezultat më të cilin skuadrat shkuan në pushim.

Në pjesën e dytë, Përfaqësuesja e Kosovës, vazhdojë më paraqitje mjaft të mirë, duke u shfaqur disa herë të rrezikshëm për skuadrën vendëse, raporton RTK, sidomos rast ideal kishte Lirim Kastrati, i cili dështoi ballë për ballë më portierin e Gjeorgjisë.

Përfaqësuesja e Kosovës realizoi edhe golin e dytë përmes Muriqit, por që u anulua nga VAR.

Përfundimisht, Kosova shijon fitoren e parë në kualifikueset e Kupës së Botës ‘Katar 2022’, derisa të dielën që vjen në “Fadil Vokrri” pret Greqinë.