Presidenti i Argjentinës në Davos: Bota po shkon drejt socializmit në varfëri!

Presidenti i sapozgjedhur i Argjentinës, Javier Milei, mbajti një fjalim të veçantë në Forumin Ekonomik Botëror në Davos duke konfirmuar se civilizimi perëndimor për shkak të idesë së kolektivizimit po shkon drejt socializmit, pra, në varfëri.

Në përputhje me teoritë ekonomike dhe botëkuptimin, që në muajin dhjetor i dhanë fitoren në Argjentinë, profesori 53 vjeçar i ekonomisë thekson se si në teori ashtu dhe praktikë, në histori është konfirmuar se vetëm kapitalizmi dhe tregu i lirë garantojnë përparim global dhe parandalojnë varfërimin e popullsisë.

Në fjalën e tij, Javier Milei të gjithë sipërmarrësit i quajti heronjë ndërsa ju bëri thirrje që të mos frikësohen nga parazitët burokratik.

“Sot jam këtu që t’ju them se bota perëndimore është në rrezik. Në rrezik sepse ata të cilët duhet të mbrojnë vlerat perëndimore janë të preokupuar me vizionin e botës e cila në mënyrë të pashmangshme po çon në socializëm, e me këtë në varfëri,” filloi fjalën e tij Milei duke konstatuar, fatkeqësisht, se liderët e botës perëndimore braktisën modelin e lirisë për versione të ndryshme të asaj që e quajmë kolektivizim.

“Disa ishin të motivuar me individ me qëllime të mira që kanë vullnet të ndihmojnë të tjerët, e të tjerët ishin të motivuar me dëshirën që i takojnë kastës së privilegjuar.

Këtu jam që t’ju them se eksperimenti kolektivist kurrë nuk është zgjidhje për problemet që godasin qytetarët e botës. Në vend të kësaj, ata janë shkaktari kryesor. Më besoni, askush nuk mund të dëshmoi më mirë se sa ne argjentinasit.

Tridhjetëepesë vjet pasi miratuam modelin e lirisë, në vitin e largët 1860, u bëmë fuqia më e madhe botërore. E kur e pranuam kolektivizimin gjatë 100 viteve të fundit, e pamë se si qytetarët tanë filluan të varfërohen në mënyrë sistematike, dhe kemi rënë në vendin e 140-të në nivel global,” tha Presidenti i Argjentinës.

Kapitalizmi, i vetmi që i jep fund varfërisë

“Larg asaj që është shkaktar i problemeve tona, kapitalizmi i tregtisë së lirë si sistem ekonomik është i vetmi instrument të cilin e kemi për ti dhënë fund urisë, varfërisë dhe varfërisë ekstreme në gjithë planetin tonë. Dëshmitë empirike janë të padiskutueshme,” thotë ai duke shtuar:

“Ndonëse nuk ka dyshim se kapitalizmi i sipërmarrjes së lirë është superior në kuptimin e prodhimit, të majtët e sulmojnë kapitalizmin, duke theksuar çështjen e moralit, duke thënë se është i padrejtë. Thonë se kapitalizmi është një e keqe sepse është individualist, dhe se kolektivizmi është i mirë sepse është altruist. Natyrisht, me paratë e huaja.

Për këtë arsye angazhohen për drejtësi sociale. Por ky koncept, i cili në botën bashkëkohore është bërë modern në kohën e fundit, në vendin tim është konstantja e diskurit politik për më shumë se 80 vjet. Problemi është se drejtësia sociale nuk është e drejtë dhe nuk kontribuon për mirëqenien e përgjithshme.

Përkundrazi, kjo është ide e padrejtë sepse është e dhunshme. Kjo është e padrejtë sepse shteti financon me tatime, e tatimet mblidhen me dhunë. Ose dikush nga ne mund të thotë se vullnetarisht paguajnë tatim? Kjo do të thotë se shteti financohet me dhunë, dhe sa më e madhe të jetë ngarkesa tatimore, dhuna është më e madhe, e liria më e vogël,” u shpreh presidenti argjentinas i cili la gojëhapur të gjithë të pranishmit në Forumin e Davosit.

“Ata që promovojnë drejtësinë sociale nisen nga idea se e gjithë ekonomia është një tortë që mund ndahet në mënyra të ndryshme. Por kjo tortë nuk është e paracaktuar. Pasuria krijohet në atë, që Israel Kirzner, për shembull, e quan proces i zbulimit të tregut.

Nëse malli ose shërbimet që ofron kompania nuk janë të dëshiruara, kompania do rrënohet nëse nuk i përshtatet kërkesave të tregut. Do punoj mirë dhe do prodhoj më shumë nëse e bënë produktin cilësor sipas çmimit atraktiv.

Por nëse shteti dënon kapitalistët kur janë të suksesshëm dhe i del në rrugë procesit të zbulimit, do të shkatërroj nxitjet e tyre, e për pasojë do të prodhojnë më pak.

Torta do jetë më e vogël, e kjo do ti bëjë dëm shoqërisë në tërësi. Kolektivizmi, me frenimin e këtyre proceseve të zbulimit dhe pengimin e përvetësimit të zbulimit, në fund u lidhë duart sipërmarrësve dhe u pamundëson që të ofrojnë mall më të mirë me çmim më të mirë,” sqaron Presidenti i Argjentinës, Javier Milei.

“Fal kapitalizmit, bota po përjeton momentin më të mirë”

“Pra, si është e mundur që kjo bashkësi akademike, organizata ndërkombëtare, teoricient ekonomik dhe politikanë demonizojnë sistemin ekonomik i cili jo vetëm se e ka nxjerrë 90% yë popullsisë botërore nga varfëria ekstreme por këtë e ka bërë gjithnjë e më shpejtë?

Duke ju falënderuar kapitalizmmit të tregtisë së lirë, bota sot po përjeton momentin e saj më të mirë. Kurrë në gjithë njerëzimin ose historinë e njerëzimit nuk kishte kohë të përparimit më të madh se sa sot. Kjo vlenë për të gjithë. Bota e sotme ka më shumë liri, është më e pasur, më e qetë dhe më e përparuar. Kjo veçanërisht vlenë për vendet që kanë liri më të madhe ekonomike dhe respektojnë të drejtat e pronësisë së individit,” thekson profesori 53 vjeçar i ekonomisë.

Për problemet e Perëndimit

“Problemi thelbësor i Përendimit sot nuk është vetëm se duhet të përballemi me ata të cilët edhe pas rënies së Murit të Berlinit dhe dëshmive të mëdha empirike, vazhdojnë ti bëjnë avokatinë socializmit varfërues.

Por këtu janë dhe liderët tanë, mendimtarët dhe akademikët që mbështeten në kornizën e gabuar teorike në mënyrë që ti varrosin themelet që na kanë mundësuar zgjerimin më të madh të pasurisë dhe prosperitetit në historinë tonë.

Korniza teorike së cilës i referohem është ajo e teorisë ekonomike neoklasike, e cila ideon grupin e instrumentave që pandehur ose pa qëllim në fund i shërbejnë ndërhyrjes së shtetit, socializmit dhe degradimit shoqëror,” vlerëson ai.

“Agjenda radikale feministe”

Gjatë fjalës së tij në Forumin Ekonomik Botëror në Davos, Presidenti i Argjentinës foli dhe për “agjendën radikale feministe”.

“Agjenda radikale feministe solli tek ndërhyrja më e madhe shtetërore në mënyrë që ta pengoj procesin ekonomik, duke i dhënë punë burokratëve që me asgjë nuk kanë kontribuar në shoqëri. Shembuj janë ministritë e grave ose organizatat ndërkombëtare kushtuar nxitjes së këtij programi.

Edhe një konflikt që fusin socialistët është konflikti i njerëzve kundër natyrës, duke theksuar se ne qeniet njerëzore dëmtojmë planetin që duhet ta mbrojmë me çdo çmim, duke shkuar aq larg sa i bëjnë avokatinë edhe mekanizmit të kontrollit të popullsisë ose agjendës së abortit.

Për fat të keq, këto ide të dëmshme kanë zënë vend në shoqërinë tonë. Neomarksistët arritën të marrin mendjen e shëndoshë të botës perëndimore, e këtë e kanë arritur duke përvetësuar mediat, kulturën, universitetet, por dhe organizatat ndërkombëtare,” thotë Javier Milei.

“Rasti i fundit është më seriozi, me siguri meqë bëhet fjalë për institucione që kanë ndikim të madh në vendimarrjet politike dhe ekonomike të shteteve të tyre anëtare.
Për fat, gjithnjë e më shumë jemi ata që marrim guximin të themi mendimin tonë me zë, sepse po shohim se duhet seriozisht dhe me vendosmëri të luftojmë kundër këtyre ideve, përndryshe fati i vetëm i mundshëm do jetë niveli gjithnjë e më i lartë i rregullimit shtetëror, socializmit, varfërisë dhe më pak liri, e me këtë edhe standart më të keq jetësor,” thotë Presidenti i Argjentinës.

“Përendimi, për fat të keq, është në këtë rrugë”

“Përendimi, për fat të keq, është në këtë rrugë. E di, shumë prej juve mund t’ju duket qesharake të sugjeroni që Perëndimi është kthyer nga socializmi, por qesharake është se kufizoheni vetëm në përkufizimin ekonomik tradicional të socializmit, i cili thotë se ky është sistem ekonomik në të cilin shteti ka mjetet për prodhim. Këtë përkufizim, sipas mendimit tim, duhet përditësuar për rrethanat aktuale.

Sot shtetet nuk duhet kontrollojnë drejtërpërdrejt mjetet për prodhim në mënyrë që të kontrollojnë çdo aspekt të jetës së individit. Me mjetet siç është shtypja e parave, borxhi, subvencionet, kontrolli i normave të interesit, kontrolli i çmimeve dhe korrigjimi i të ashtuquajturave mossuksese tregtare, ata mund të kontrollojnë jetën dhe fatin e miliona individëve.

Kështu vijmë deri te pika në të cilën, duke shfrytëzuar emërtime të ndryshme ose maska, një pjesë e ideologjive të gjithëpranuara në shumicën e shteteve perëndimore bëhen variante kolektiviste, pavarësisht nëse shpallen hapur komuniste, fashiste, socialiste, socialdemokrate, nacionalsocialiste, demokristiane, neokeyneziane, progresive, populiste, nacionaliste ose globaliste,” thotë ai.

“Në përfundim, nuk ka dallime të mëdha. Të gjithë thonë se shteti duhet të drejtohet në të gjitha aspektet e jetës së individit. Të gjithë mbrojnë modelin e kundërt nga ai që njerëzimin e ka sjellë deri te përparimi më spektakular në histori.

Sot kemi ardhur këtu ti bëjmë thirrje botës perëndimore që të kthehet në rrugën e prosperitetit. Liria ekonomike, qeveria e kufizuar dhe respketimi pakufi i pronës private janë elementë thelbësor të rritjes ekonomike. Varfërimi që prodhon kolektivizim nuk është fantazi dhe as fat i pashmangshëm. Ky është realitet të cilin ne argjentinasit e dijmë shumë mirë

E përjetuam. Kemi kaluar përmes kësaj përvoje, siç e thash më parë, që nga momenti kur kemi vendosur të braktisim modelin e lirisë që na pasuroi, u kapëm në spirale në rënie, në të cilën nga dita në ditë jemi gjithnjë e më të varfër,” thotë profesori argjentinas i ekonomisë.

“Rasti i Argjentinës, dëshmi empirike”

“Kjo është diçka që e kemi përjetuar dhe këtu jemi që t’ju paralajmërojmë se çfarë mund të ndodhë nëse vendet e botës perëndimore, të cilat janë pasuruar me modelin e lirisë, të ngelen në këtë rrugë të robërimit.

Rasti i Argjentinës është dëshmi empirike që pavarësisht se sa jeni të pasur, sa keni burime natyrore, se sa e shkathët është popullsia juaj, sa është e arsimuar ose sa shufra ari keni në bankën qendrore, nëse merren masa që pengojnë funksionimin e lirë të tregut, konkurrencës, sistemit të çmimit, tregtisë dhe pronës private, fati i vetëm i mundshëm është varfëria,” thotë Presidenti i Argjentinës, Javier Milei, në Forumin Ekonomik Botëror në Davos, duke përfunduar:

“Në fund, kisha një mesazh për të gjithë njerëzit e biznesit që janë këtu dhe ata që nuk janë këtu, por po e përcjellin debatin nga e gjithë bota.

Mos u frikësoni nga kasta politike ose parazitët që jetojnë nga shteti. Mos bini pre e klasës politike që vetëm dëshiron të ngelet në pushtet dhe të mbajë privilegjet e veta. Ju jeni bamirës shoqëror. Ju jeni heroj. Ju jeni ideator të epokës më të thjeshtë të prosperitetit të cilin e kemi pa ndonjëherë.

Askush mos t’ju thotë se ambicia juaj është e pamoralshme. Nëse fitoni, ju fitoni sepse ofroni prodhim më të mirë me çmim më të mirë, me të cilin kontribuoni për mirëqenie më të mirë.

Mos u dorëzoni para presionit të shtetit. Shteti nuk është zgjidhja. Shteti është vetë problemi. Ju jeni protagonistë të vërtetë të këtij rrëfimi dhe duhet të jeni të bindur që Argjentina duke filluar prej sot është aleati i juaj besnik pa kushte.”