Presidenti “shpëton” Ulsi Manjën: Faktet e reja tronditëse do bëjnë të harrohet Dosja 184!

Kryetari i Komisionit të Ligjeve, Ulsi Manja, u bë pjesë e përplasjes Presidencë-Qeveri e cila vazhdon me artilerinë rilindase të sumoi Presidentin e Republikës, pas paralajmërimit të Ilir Metës për një protestë popullore më 2 Mars, por që mori një përgjigje paksa të çuditshme nga zëdhënësi i Presidentit, Tedi Blushi, i cili ndonëse e konsideron zëdhënës të dosjes së Dibrës theksons se faktet e reja tronditëse që do të zbulohen do bëjnë të harrohet dhe Dosja 184.

“Me qetësi dhe drejtësi! Deri në 2 mars jemi të bindur se do bashkohesh me mbarë popullin kundër grushtit të shtetit. Se faktet e reja tronditëse do bëjnë të harrohet dhe Dosja 184,” thekson Tedi Blushi në reagimin e tij edhe pse kemi të bëjmë me dosjen e krimit më të madh elektoral të ndodhur ndonjëherë, protagonistë të së cilë janë njerëz nga koalicioni qeverisës pjesë e së cilës ishte shefi i tij në kohën kur u krye ky krim, dhe që disa muaj pas këtij krimi po këta kriminel elektoral zgjodhën Ilir Metën President.

Ndryshe, ky reagim i papërgjegjshëm i zëdhënësit të Presidentit vjen pasi krijuesi i shkatërimtares së Prokurorisë së Përgjithshme, Arta Marku, krimineli elektoral Ulsi Manja, akuzoi Presidentin se po e bën vendin gazin e botës, vend të cilin Edi Rama e katandisi në atë fare feje sa nuk ka lidhje as me gaz dhe as me botë.

“Zoti President mos e dëgjo Ilir Metën dhe ti zoti Ilir mos e çmend Presidentin! Gjeni gjuhën e bashkëpunimit sa më parë se mirë u bëtë gazi i botës, po po e bëni edhe Shqipërinë gazin e botës! Ju lutem, takohuni dhe ulni gjakrat, mos u kacafytni brenda të njëjtës kokë. Duhet qetësi!”, thekson i plotëfuqishmi i Arta Markut, Ulsi Manja.

Reagimi i plotë i zëdhënësit të Presidentit:

Ftohet zëdhënësi i Dosjes së Dibrës të marrë pjesë nesër në konferencën e radhës për shtyp në Presidencë, e madje të bëjë pyetje dhe debat para gazetarëve, jo vetëm si kryetari i Komisionit të Ligjeve dhe lider i reformën në drejtësi, por dhe si filozof i paparë që u shfaq sot.

Me qetësi dhe drejtësi!

Deri në 2 mars jemi të bindur se do bashkohesh me mbarë popullin kundër grushtit të shtetit. Se faktet e reja tronditëse do bëjnë të harrohet dhe Dosja 184.

Presidenti të pret nesër në Presidencë, t’i dëgjojë këshillat e tua nga afër. Ai do të trajtojë me më shumë përulësi, se sa e trajtove ti në Komisionin Parlamentar. Të presim!