Presidenti Trump kongresisteve demokrate: Shkoni nga keni ardhur, rregulloni shtetet e juaja….
Presidenti i Shteteve të Bashkuara, Donald Trump, i tha një grupi të ligjvënësve demokrate , kryesisht të lindura në Amerikë, të kthehen dhe të ndihmojnë në rregullimin e vendeve të krimit dhe krejtësisht të shkatërruara, nga të cilat kanë ardhur, raporton RFE.
Komentet e Presidentit Trump u cilësuan nga demokratët si raciste edhe pse një javë më parë edhe kryesuesja e Kongresit që vjen nga radhët e demokratëve, Nancy Pelosi, kishte një përplasje po me këto katër kongresiste lidhur me çështjet e migracionit.
“Shumë interesante të shohësh kongresistet ‘përparimtare’ demokrate, të cilat me origjinë vijnë nga vendet, qeveritë e të cilave janë katastrofë e plotë….dukë u thënë njerëzve në SHBA si duhet të udhëhiqet qeveria jonë”, tha Presidenti Trump.
Presidenti Trump nuk përmendi emra, por duket se i referohej kongresisteve Alexandria Ocasio-Cortez të Nju Jorkut, Ilhan Omar nga Minesota, Ayanna Pressley nga Massachusetts dhe Rashida Tlaib nga Michigan, grup ky i njohur si shumë kritike ndaj Presidentit Trump dhe udhëheqjes demokrate në Kongres.
Deklaratat e Presidentit Trump, ngjallën reagime në mesin e demokratëve ndërsa Kryetarja e Dhomës së Përfaqësuesve, Nancy Pelosi e cila kishte një përplasje të fortë me këto ligjvënëse, sot komentet e Presidentit Trump i quajti “ksenofobike”.
“Kur Trump u thotë katër kongresisteve amerikane të kthehen në vendet e tyre, ai riafirmon se plani i tij për të ‘bërë Amerikën e Madhe përsëri’ ka qenë gjithmonë për ta bërë Amerikën të bardhë përsëri,” tha ajo në Twitter.
Udhëheqësi i shumicës së Senatit, republikani, Mitch McConnell, nuk iu përgjigj kërkesave për të komentuar deklaratat e Presidentit Trump.
