“Çorganizim i organizuar”/ Anarki, Edi Rama me administratën tatimore…..

Prezantoi Drejtoren e re të Përgjithshme të Tatimeve, Delina Ibrahimajn, por me këtë rast Kryeministri Edi Rama kritikoi ashpër punën e kësaj administrate duke i numëruar dështimet me informalitetin, punës në të zezë, mbledhjen e TVSH, kasave fiskale ku theksoi dhe një fakt të frikshëm të cilin nuk arriti t’ia sqaroi njeri, se si mund të ketë 15 mijë kasa jo raportuese në biznese aktive nga 112 mijë të tilla.

Pas kosntatoi një çorganizim të organizuar dhe anarki brenda administratës, Edi Ramai paralajmëroi se kush nuk plotëson objektivat e arritura, nuk ka më vend në këtë administratë:

“Lëvizja antishtet ka patur një ndikim negativ mbi publikun sipërmarrjen e administratën. Një nga pasojat e gjithë këtij ndikimi negativ mund të thuhet padyshim është edhe rritja e shkallës së informalitetit. Është momenti për një reagim frontal qoftë në tërësi i administratës tatimore, qoftë individualisht nga cdo drejtues e punonjës i kësaj administrate. Jemi në kushtet kur dhënia e marrja e kuptonit është rikthyer në nivelet më të ulëta para se të niste lufta e vështirë por e domosdoshme kundër informalitetit, dhe kjo është përgjegjësi e drejpërdrejtë e administratës tatimore. Ashtu sikundër është përgjegjësi e administratës tatimore që në këtë drejtim të mos kthehet pas në praktikat e sjelljet e shëmtuara të së shkuarës.”

Sipas Edi Ramës sot kemi shifrën më të ulët historike të papunësisë, 12.1% ndërkohë që kemi rritje të frikshme të informalitetit në punë:

“Informaliteti ka prekur përsëri në mënyrë të ndjeshme edhe tregun e punës. Sot kemi aktualisht shifrën më të ulët historike të papunësisë, 12.1% ndërkohë që kemi rritje të firkshme të informalitetit në punë. Dhe kjo duhet të jetë po ashtu një pjesë thelbërsore e shqetësimit të përditshëm dhe veprimit të përditshëm të tatimeve në bashkëpunim me inspektoriatin e punës, duke ndërtuar një veprim të mirëstruktuaruar larg cdo arbitrariteti në dëm të biznesit. Një nga arritjet më të rëndësishme të kësaj mazhorance ka qenë arritje në funksion të parandalimit të punës në të zezë.

Kjo arritje nuk mund të asgjësohet po duhet të rikonfirmohet e të cohet më tutje, sot të dyja këto institucione, janë në një ombrellë dhe duhet të funksionojnë si një sistem i integruar. Është për të ardhur keq që raportohet një numër i rritur kontrollesh, ndërkohë që efektiviteti i këtyre kontrolleve është në rënie. Mungon shenjestrimi i subjekteve me risk. Dhe patjetër e gjitha kjo reflektohet në cënimin ndaj hapësirës për investime publike dhe cënimin e paketave sociale që janë miratuar e buxhetuar.”

Ministria e Financave dhe Ekonomisë ka vendosur indikatorë te performanceve që nuk ndiqen për çdo punonjës, dhe për çdo kontroll të thelluar, ndërkohë që sot nënvizoj Edi Rama, kush nuk arrin indikatorët nuk mund të jetë më pjesë e kësaj administrate, as të tatimeve as të inspektoriatit të punës.

“A ma thotë dot këtu dikush nga ju, si mund të pranohet të kemi 15 mijë kasa jo raportuese në biznese aktive nga 112 mijë të tilla. Kush e mban përgjegjësinë për këtë? Kujt i kërkohet përgjegjësia për këtë? Kush i mbulon në territor këto pika të kuqe alarmi? Dhe si mundet të gdhijë dita e re, dhe këto pika alarmi të mbeten të kuqe? Pse kompanitë e kasave nuk gjobiten?”

Dhe derisa Edi Rama po fliste para drejtuesëve të administratës tatimore që kishin ulur kokën ai e pranoi dështimin në këtë administratë duke e përshkruar si çorganizim dhe anarki:

“Ligji është i qartë për këtë. Është ngritur një sisitem që konsiderohet funksional në tatime, në modernizimin e ndërveprimit me tatim paguesit, me module risku, dhe ka vetëm një motiv për rezultatet e pamjaftueshme: çorganizim dhe anarki brenda administratës, ku janë rishfaqur fenomenet e dikurshme të aktiviteteve individuale apo në grup për qëllime korruptive.“

Ndryshe, Drejtori i Përgjithshëm i Tatimeve, Enton Duro, u shkarkua për mungesë performance në mbledhjen e të ardhurave tatimore

Performanca e Tatimeve ka qenë e dobët këtë vit, duke reflektuar ngadalësimin e rritjes ekonomike nga 4% vitin e kaluar në vetëm 2.1% në tremujorin e parë të këtij viti, mbylljen e aktivitetit të lojërave të fatit si dhe faktin që projektet e mëdha si gazsjellësi TAP dhe HEC-i i Devollit janë drejt fundit, duke ndikuar edhe në aktivitetin e kompanive që kanë qenë të lidhura me to.

Në pesë muajt e parë të vitit, të ardhurat nga Tatimet ishin 61.9 miliardë lekë, me një rritje prej 5.8%, duke rezultuar 1.3% ose rreth 800 milionë lekë më pak se plani.

Zëri me ecurinë më negative është ai i TVSH-së, me një rënie prej 12% në raport me janar-maj të një viti më parë, që është kompensuar me rritjen e të ardhurave nga tatim fitimi dhe tatimi mbi të ardhurat personale.

Më e dobët ishte performanca e doganave, me të ardhurat që u rritën vetëm 0.5% me bazë vjetore për 5-mujorin, ose rreth 2 miliardë lekë më pak se plani.