Kullat dhe zengjinët e Sigurimit Shtetit!
nga Agim Popoci
Derisa ekonomia dhe financat botërore flasin për ChatGPT, Sigurmi i Shtetit vazhdon me futjen e parave të pista në ekonominë shqiptare përmes zengjinëve artificialë që futi në treg nga viti i tmerrshëm 1997 dhe mbështetjen e sofistikuar me mediat që i ka nën kontroll!
Debati mbi kullën në Malin e Tiranës që u nxit gjatë këtyre ditëve dëshmoi se si zengjinët e Sigurimit të Shtetit kanë asfiksuar si ekonominë formale ashtu dhe atë informale, biznesin e ndërtimit dhe opinionin shqiptar, duke e realizuar, për fat të keq, që të gjitha rolet në jetën shqiptare.
Dhe jo vetëm kaq! Gjashtë muaj pas lejes së ndërtimit që u dha për projektin Mali i Tiranës, shfaqet Lali Eri i ri i cili kundërshton projektin që prish Parkun, dhe vetëm disa orë pas këtij marksisti shfaqet Zotni Lafsha që u rikthye në krye të PD-së së Edi Ramës, për të akuzuar me bandën e tij, investitorin që prish Parkun me para të dyshimta dhe implikimin e djalit të paraardhësit të tij, Sali Berisha, ndërsa sygjeron zgjidhjen e kësaj enigme në Parkun e paligjshëm që ndërtoi kjo monstër politike kur ishte ministër i Punëve Publike: Ndiq Paranë!
Shkelzen Berisha reagoi ashtu si dhe Edi Rama i cili në fund u detyrua të thotë ca fjalë meqë jo gjithçka shkoi fjollë, dhe, kapakun e vuri analisti i zengjinëve me konkluzionin se kjo na qenka një fushatë e organizuar nga Lali Eri që do të zë vendin e Edi Ramës!
Meqë nuk ka më rastësi në Shqipëri, ky ChatGPT i pastrimit të parave të pista të Sigurimit Shtetit që shpërfill pronarët e pronës ku do të ndërtohet ky Mal i Tiranës, flet me një komoditet të sëmurë ndonëse vetë është i strehuar në njërën nga vilat e zengjinëve të Sigurimit të Shtetit.
Zotni Lafsha para se të thotë ndiq paranë, do të ishte mirë të ndiqte atë që shef në pasqyrë dhe të na thotë nëse ka një të dytë si lider i opozitës në botë, sikur edhe ti besojmë se nuk e ka blerë vilën ku është vendosur, të strehohet në vilën e një kompleksi që për pronar ka mikun e Kryeministrit Edi Rama ndërsa është i përfolur edhe si mik i Sigurimit të Shtetit! Pra, pasi ai ta ndjekë Gon Papulin dhe paratë e tijë, mund ti hyp edhe SPAK-ut kur të sqarohet për milionat e kontestuara të Rrugës së Kombit dhe parave ruse për lobimin amerikan, që, jo vetëm se nuk i ka ndjekur, por ju ka shmangur me procedurë!
Shkelzen Berisha që bënë si i habitur për akuzat, si fëmijë i keq i një Presidenti historik të Shqipërisë, duhet ta kishte parasysh ringjalljen e Sigurimit të Shtetit në vitin 1997, rikthimin e tij në pushtet si dhe ndër këta njerëz që ju hyp dhe i hipin në makinë. Xeni me Gim Zeqon dhe Ilir Shtufin mund të jenë bashkëudhëtarë në një makinë, dhe pronarë të vilës ku thotë se e ka marrë me qira, por, miq kurrë, në asnjë rrethanë dhe kjo nuk varet as nga Xeni e as nga Iliri e Gimi; Sepse, thjeshtë, ky djal i keq që nuk respekton fatin e tij dhe punët e Zotit, nuk ka lindur në vendin, momentin dhe djepin e duhur për Sigurimin e Shtetit.
Dhe, ajo çfarë është më e rëndësishmja, nuk ishte pjesë e bandës së zjarrvënies së Shqipërisë në vitin 1997, dhe nuk se pse të favorizohet; Aq me shumë kur numrat që i ka i ati në Parlament, nuk i hyjnë në punë as dreqit!
Në këtë situatë, kur investitori i kullës në Malin e Tiranës u përballë me malin me akuza dhe filloi të cenohet, ideatori i vendimit dhe opozitës së këtij projekti, Edi Rama, e pa të arsyeshme të shfaqet për të shprehur mbështetjen për kullën, pasi edhe vetë e ka krijuar, i bindur se është i zoti i tokës, ujit dhe ajrit shqiptar!
Çarçafi, siç e pagëzoi vetë sqarimin, nuk ishte ai i cilësisë së vitit zjarrvënës 1997 dhe as i fjalimeve mahnitëse të Ilir Metës, por, një histeri e ngjashme me fjalimet pandemike të facebookut, që pa dashje zbuloi dhe autorin e gjithë kësaj maskarade nga leja deri te reagimi për projektin e kullës!
Por, Sigurimi i Shtetit nuk do ti lë edhe kësaj radhe ekskluzivitetin nipit të Barba Pios!
Kokën nxori dhe një analist i zjarrëvënësve të vitit 1997 që hodhi një ide ndryshe për të turbulluar kënetën politikbërëse të Sigurimit të Shtetit, duke thënë se e gjithë kjo opozitë e kullës vjen nga Lali Eri!
Sikur Saimir Tahiri mos të ishte liruar nga burgu ndoshta Lali Eri do të kishte luksin të kishte kohë për ndonjë bërryl për shefin që po e përdhunon edhe pa prezervativ, por, sot kur ai është në ankth nga liria e Saime Qorrit, shihet qartë që edhe Sigurimi i Shtetit nuk po e ngarkon me detyra madhore të pastrimit të parave, dhe, ndërtuesit i janë larguar kësaj bebe të keqe politike që nuk i ndërron njeri më as pampersin!
Sot, Edi Rama mund ti flas investitorëve në Malin e Tiranës për meritat që ka në dhënien e lejes për kullën dhe mbylljen e gojës së të gjithë kritikëve, ashtu si dhe mohimit të hapjes së gojës gjithë 18 pronarëve të truallit, dhe puna do të vazhdojë ndërsa zengjinëve të Sigurimit të Shtetit do t’ju rikthehet qetësia duke konsideruar se gjithçka do të përfundoj sikur se te Kodrat e Liqenit, gjithsesi, kjo maskaradë mediatike ka dhe produktin e saj:
-Kulla, kurdo që do të ndërtohet do të vazhdoj të quhet Kulla e Xenit, dhe i gjithë ky absurditet i ngjizur me ndihmën e mediave që ka në shërbim Sigurimi i Shtetit, do ketë një çiban të mirëmenduar në qendër të Tiranës që do ta ndjekë këmba këmbës edhe këtë të djathtë që pretendon pushtetin dhe ka frikën që edhe në rastin në fjalë ta përmend fjalën “Pronar”!
-Ndërtimi i Kullës, është një mesazh i fortë për të gjithë ata që vazhdojnë të hamendësojnë mes të kashtës përplot me para të pista dhe investimit me Edi Ramën, kur shohin qartë se në mes tyre mund të jetë një det i tërë, por, jo i panotueshëm!
-Banorët dhe pretendentët për banorë të “hillsave” që mbinë si kërpudhat me ardhjen e Edi Ramës në pushtet, u bindën se vilat në komplekset ku jetojnë ose mendojnë të jetojnë janë vende ku paraja e pistë mund të pastrohet shumë më mirë se lavatriqet që i shpiku shitësi i kasetofonëve, të cilit Sigurimi i Shtetit i besoi fronin e shqiptarit më të pasur në Shqipëri!
-Dhe, në fund, pronarët, që janë tashmë shtresa më e pashpresë e qytetarëve shqiptarë nën regjimin e Edi Ramës, konfirmuan zgjidhjen që u ka mbetur!
Krenar në pritje të një ditë pa Sigurimin e Shtetit ku prona do ti kthehet të zotit, apo nënshtrimit ndaj Sigurimit të Shtetit, pasi që në fillim të tranzicionit bënë hapin e gabuar për të cilin do të mallkohen nga gjeneratat e ardhshme sa të jetë, jeta:
Nuk krijuan një Mossad Shqiptar për të ndjekur dhe zhdukur këta kriminelë komunistë, ku janë e ku s’janë; Dhe, pronarët do të fitonin pronat e tyre të grabitura, ndërsa shqiptarët atdheun!
