Presidenti Trump pritet të nominojë Amy Coney Barrett në Gjykatën Supreme

Presidenti i Shteteve të Bashkuara, Donald Trump, raportohet se do të dominojë gjyqtaren konservatore, Amy Coney Barrett, në Gjykatën Supreme, vetëm disa javë para zgjedhjeve presidenciale të 3 nëntorit.

Presidenti Trump pritet që ta bëjë këtë njoftim sot në mbrëmje ndërkohë New York Times dhe CNN, kanë raportuar edhe emrin, Amy Coney Barrett.

Duke iu përgjigjur pyetjeve të gazetarëve, Presidenti Trump tha se ka vendosur për emrin që do të dominojë për Gjykatën Supreme, por nuk tregoi se për cilin kandidat bëhet fjalë.

Presidenti Trump dhe republikanët në Senat janë zotuar se do të gjejnë zëvendësuesen e gjyqtares, Ruth Bader Ginsburg, gjyqtarja liberale që vdiq në moshën 87-vjeçare më 18 shtator.

Vdekja e Bader Ginsburg, raporton RFE, i jep mundësi republikanëve që të zgjerojnë shumicën e tyre konservatore në këtë gjykatë në 6 me 3, në kohën kur vendi është thellësisht i ndarë para zgjedhjeve të 3 nëntorit.

Demokratët, që janë dhe nxitësit e kësaj ndarje, duke përfshirë dhe kandidatin presidencial, Joe Biden, kanë argumentuar se zëvendësi i Ginsburg, duhet të zgjidhet pas zgjedhjeve presidenciale.

Ndryshe, Gjykatësit e Gjykatës Supreme kanë mandat të përjetshëm dhe marrin vendime për çështjet të ndjeshme politike, prej abortit dhe migracionit deri për çështjet e të drejtave civile dhe ligjeve për armët.