Presidentja e Kosovës në Bruksel, takime me zyrtarët e lartë të BE

U.D. Presidentja e Kosovës, Vjosa Osmani, është pritur në takim në Bruksel nga Komisioneri për Zgjerim i Bashkimit Evropian, Oliver Varhelyi.

Përmes një postimi në Twitter, Komisioneri Várhelyi thekson se është e rëndësishme që Kosova të vazhdojë zbatimin e reformave të lidhura me BE, përfshirë luftën kundër korrupsionit dhe krimit të organizuar, si dhe bashkëpunimin në rajon, duke tërhequr përfitimet nga plani ekonomik dhe investimeve.

Gjatë ditës, Vjosa Osmani do të takohet edhe me Presidentin i Parlamentit Evropian, David Sassoli dhe të Dërguarin e BE-së për dialogun Kosovë-Serbi , Miroslav Lajçak.

Gjatë vizitës dyditore në Bruksel, Presidentja e Kosovës, Vjosa Osmani do të takohet edhe me deputetët e Parlamentit Evropian që janë në Grupin e Miqësisë së Kosovës në Parlamentin Evropian: Zv/Presidenti i PE-së, Rainer Wieland, raportuesja për Kosovën në PE, Viola von Cramon- Taubade, Lukas Mandl nga Grupi EPP, Ilhan Kyuchyuk nga Grupi Renew dhe Nënkryetar i EPP-së, Andrey Kovatchev.

Ndërsa nesër Ushtruesja e detyrës së Presidentes së Kosovës, Vjosa Osmani, do të takohet me Presidenten e Dhomës së Përfaqësuesve, Eliane Tillieux, dhe Presidenten e Senatit të Belgjikës, Stephanie D’Hose.