Presidentja e Kosovës: Regjimi gjenocidal i Serbisë dëshmoi barbarinë e tij!

Duke përkujtuar masakrën e Lybeniqit ku 25 vjet më parë forcat serbe vranë 79 civile, Presidentja e Kosovës, Vjosa Osmani, tha se regjimi gjenocidal i Serbisë dëshmoi barbarinë e tij.

“25- vjet më parë, regjimi gjenocidal i Serbisë, sikurse në shumë anë të Kosovës, dëshmoi barbarinë e tij, duke vrarë 79 civilë të fshatit Lybeniq.

Tendenca për shfarosje të popullit shqiptar nuk kurseu as Muhametin 18 muajsh dhe Leonardin, 7 vjeçar,” shprehet Vjosa Osmani në reagimin e saj përmes rrjetit social Facebook duke përfunduar me zotimin për vendosjen e drejtësisë.

“Është obligim i yni institucional që asnjëherë të mos i ndalim përpjekjet tona për vendosjen e drejtësisë për viktimat, duke i dhënë kuptim lirisë sonë dhe duke e mbrojtur të vërtetën.

Qoftë i perhershëm kujtimi për të gjithë të rënët për liri!”