Presidentja Osmani: Wagner po e ndihmon Serbinë për sulm të mundshëm ndaj Kosovës!

Presidentja e Republikës, Vjosa Osmani, tha sot se mercenarët nga grupi “Wagner” i Rusisë po punojnë me paraushtarakët serbë për të kontrabanduar armë dhe uniforma ushtarake në Kosovë.

Në një intervistë për “The Telegraph”, Presidentja e Kosovës thotë se këta mercenarë sjellin armë dhe uniforma por nuk janë formalisht pjesë e ushtrisë serbe.

“Ata po sjellin armë dhe uniforma, por nuk janë pjesë e ushtrisë serbe. Serbia dëshiron të arrijë qëllimet e saj, pa e quajtur operacion ushtarak,” tha Vjosa Osmani duke shtuar se Serbia dëshiron të arrijë qëllimet e saj pa u quajtur operacion ushtarak

“Objektivi serb është të përgatisë situata për një aneksim të mundshëm, jo nëpërmjet një operacioni ushtarak tradicional, por me një lloj sulmi hybrid.”

Strategjia e fshehur për kontrabandimin e armëve dhe municioneve është duke u zhvilluar në të paktën gjashtë muajt e fundit, tha Presidentja e Kosovës, Vjosa Osmani duke përfunduar:

“Kjo strategji ka synimin e njëjtë me atë që përdori presidenti rus, Vladimir Putin, kur aneksoi paligjshëm Krimenë.”