Presidentja Vjosa Osmani takon Mbretin Charles III dhe Kryeministren Truss
Presidentja e Kosovës, Vjosa Osmani, e cila po merr pjesë në ceremoninë e varrimit të Mbretëreshës Elisabeth II, në Pallatin Buckingham është takuar me Mbretin Charles III dhe me Kryeministren e re të Mbretërisë së Bashkuar, Liz Truss.
“Krahas Familjes Mbretërore dhe liderëve të tjerë botërorë, ne morëm pjesë në pritjen e Mbretit në Pallatin Buckingham për të nderuar trashëgiminë e Mbretëreshës Elizabeth II,” thekson përmes rrjetit social Twitter, Presidentja e Kosovës, Vjosa Osmani duke përfunduar:
“Mbretëresha do të mbahet mend si një simbol i forcës dhe qëndrueshmërisë dhe për angazhimin e saj të palëkundur ndaj shërbimit publik.”
Lamtumirën Mbretëreshës Elisabeth II në Kishën e Westminister, përveç Presidentit të SHBA, Joe Biden i dhanë dhe 2000 liderë botëror në detyrë dhe jo vetëm me përjashtim të atyre nga Rusia.
