Prishet pazari me Bashën, Balla: Kishin 8 muaj kohë, Avokatin e Popullit do ta emërojmë!

Kryetari i Grupit Parlamentar të Partisë Socialiste, Taulant Balla, duke konstatuar se pazari me Lulzim Bashën është prishur, dhe pas 8 muajve që kishte në dispozicion për ta zgjedhur Avokatin e ri të Popullit, prej sot bënë të ditur se mund të aplikojnë të gjithë shqiptarët që mendojnë se i plotësojnë kriteret, ndërsa pëzgjedhjen ashtu siç bëri nga viti 2013, do ta bëjë i plotëfuqishmi i Tiranës, Durrësit dhe gjithë Shqipërisë, Edi Rama!

“Ne nuk diskutojmë ligjin. Do ketë një komunikim nga ana e komisionit për çështjen ligjore për këtë proces. Kemi komunikuar dhe gjatë fundit të vitit me ju dhe mendoj se ky duhet të jetë proces i hapur. Mendoj se sa më shpejt të jetë e mundur që t’i japim Shqipërisë një Avokat Populli, dhe jo Avokat Populli në zyrën e PD. Opozita e pati hapësirën dhe kohën 8 muaj për t’i dhënë vendit një avokat dhe nuk e shfrytëzoi,” tha Taulant Balla duke sqaruar tashmë se ata kishin mundësi propozimi dhe jo emërimi, sepse emërimin, sipas tij, do ta bëjë Parlamenti.

“Ka një traditë që opozita propozon, por jo emëron. Emërimin e ka Kuvendi. Gara do të jetë e hapur. Ftoj avokatët, përfaqësues të nderuar të Shoqërisë civile që plotësojnë kriteret që sapo të njoftohet hapja e shprehjes së interesit që të aplikojnë. I bëj thirrje opozitës që në demokraci duhet të biesh dakord.”

Ndryshe, deri sa nga Grupi Parlamentar i PD drejtuar nga Enkelejd Alibeaj u tha se kishte një ndarje gjatë votimit të dy kandidatëve për Avokat të Popullit, mes Ledio Brahos dhe Dorian Gjomarkajt, ku fitoi i pari, Kryeministrit Edi Rama pasi nuk iu votua Ardian Dvorani për anëtar të Gjykatës Kushtetuese, shpërtheu duke e thënë një të vërtetë ndryshe, pa të preferuarit e Bashës dhe Alibeajt, se e kishte bërë të qartë Ledio Brahon nuk do ta votonte kurrë për Avokat të Popullit, sepse sipas tij na qenka avokat i PD!

Se kujt i thotë Edi Rama PD, nuk është e qartë!